Reyansh Khamkar - ਛੇ ਸਾਲ ਦੇ ਰੇਯਾਂਸ਼ ਖਾਮਕਰ ਨੇ ਤੈਰਾਕੀ ਦੇ ਤੋੜੇ ਸਾਰੇ ਰਿਕਾਰਡ, ਸਮੁੰਦਰ 'ਚ 15 ਕਿਲੋਮੀਟਰ ਤੈਰ ਕੇ ਬਣਾਇਆ ਵਿਸ਼ਵ ਰਿਕਾਰਡ
Admin / Sports
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਠਾਣੇ ਦੇ 6 ਸਾਲਾ ਰੇਯਾਂਸ਼ ਖਾਮਕਰ ਨੇ ਸਮੁੰਦਰ ਵਿਚ 15 ਕਿਲੋਮੀਟਰ ਦੀ ਦੂਰੀ ਪੂਰੀ ਕਰਨ ਵਾਲਾ ਸਭ ਤੋਂ ਘੱਟ ਉਮਰ ਦਾ ਤੈਰਾਕ ਬਣ ਕੇ ਰਿਕਾਰਡ ਬੁੱਕ 'ਚ ਆਪਣਾ ਨਾਂ ਦਰਜ ਕਰਵਾਇਆ ਹੈ। ਰੇਯਾਂਸ਼ ਨੇ ਵਿਜੇਦੁਰਗ ਵਿਚ ਮਾਲਪੇ ਜੇਟੀ ਤੋਂ ਵਾਘੋਟਨ ਜੇਟੀ ਤੱਕ ਦੀ 15 ਕਿਲੋਮੀਟਰ ਦੀ ਦੂਰੀ ਤਿੰਨ ਘੰਟਿਆਂ ਵਿਚ ਪੂਰੀ ਕੀਤੀ।
ਉਸ ਦੀ ਇਸ ਪ੍ਰਾਪਤੀ ਨੂੰ ਇੰਡੀਆ ਬੁੱਕ ਆਫ਼ ਰਿਕਾਰਡਜ਼ ਵਿਚ ਜਗ੍ਹਾ ਮਿਲੀ ਹੈ। ਰੇਯਾਂਸ਼ ਸਟਾਰਫਿਸ਼ ਸਪੋਰਟਸ ਫਾਊਂਡੇਸ਼ਨ ਵਿਚ ਕੋਚ ਕੈਲਾਸ਼ ਅਖਾੜੇ ਤੋਂ ਕੋਚਿੰਗ ਲੈਂਦਾ ਹੈ। ਉਸ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ ਹੀ ਇਹ ਉਪਲਬਧੀ ਹਾਸਲ ਕੀਤੀ।
ਮਹਾਰਾਸ਼ਟਰ ਦੇ ਸੱਭਿਆਚਾਰਕ ਮਾਮਲਿਆਂ ਅਤੇ ਸੂਚਨਾ ਤਕਨਾਲੋਜੀ ਮੰਤਰੀ ਏ. ਅਸ਼ੀਸ਼ ਸ਼ੈਲਾਰ, ਠਾਣੇ ਜ਼ਿਲ੍ਹਾ ਐਮੇਚਿਓਰ ਤੈਰਾਕੀ ਸੰਘ ਦੇ ਪ੍ਰਧਾਨ ਨਿਰੰਜਨ ਡਾਵਖਰੇ ਅਤੇ ਮਹਾਰਾਸ਼ਟਰ ਰਾਜ ਐਮੇਚਿਓਰ ਤੈਰਾਕੀ ਸੰਘ ਦੇ ਉਪ ਪ੍ਰਧਾਨ ਰਾਜੇਸ਼ ਮੋਰੇ ਨੇ ਨੌਜਵਾਨ ਤੈਰਾਕ ਨੂੰ ਵਧਾਈ ਦਿੱਤੀ ਅਤੇ ਉਸ ਦੇ ਭਵਿੱਖ ਦੇ ਯਤਨਾਂ ਵਿਚ ਸਫਲਤਾ ਦੀ ਕਾਮਨਾ ਕੀਤੀ।
Six year old Reyansh Khamkar Sets World Record By Swimming 15 Km In The Sea
