ਪੁਲਿਸ ਅਤੇ ਐਕਸਾਈਜ਼ ਵਿਭਾਗ ਦੀ ਵੱਡੀ ਕਾਰਵਾਈ, ਪਿੰਡ ਮਹਾਲਮ ਦੇ ਗੰਦੇ ਪਾਣੀ ਵਾਲੇ ਛੱਪੜ 'ਚੋਂ ਮਿਲੇ ਕੱਚੀ ਲਾਹਣ ਤੇ ਸ਼ਰਾਬ ਦੇ 35 ਡਰੰਮ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ, ਜਲਾਲਾਬਾਦ : ਅੱਜ ਤੜਕਸਾਰ ਛੇ ਵਜੇ ਮਹਾਲਮ ਪਿੰਡ ਦੇ ਵਿਚ ਪੁਲਿਸ ਅਤੇ ਐਕਸਾਈਜ਼ ਵਿਭਾਗ ਵੱਲੋਂ ਰੇਡ ਕੀਤੀ ਗਈ। ਇਸ ਰੇਡ ਵਿਚ ਡੇਢ ਸੌ ਪੁਲਿਸ ਮੁਲਾਜ਼ਮ ਸ਼ਾਮਲ ਸਨ, ਜਿਸ ਵਿਚ ਪੰਜ ਥਾਣਿਆਂ ਦੇ ਐੱਸਐੱਚਓਜ਼ ਚਾਰ ਚੌਕੀ ਇੰਚਾਰਜ ਅਤੇ ਡੀਐੱਸਪੀ ਸਬ-ਡਵੀਜ਼ਨ ਜਲਾਲਾਬਾਦ ਅਤੁਲ ਸੋਨੀ ਖ਼ੁਦ ਮੌਜੂਦ ਸਨ। ਡੀਐੱਸਪੀ ਦੀ ਅਗਵਾਈ ਹੇਠ ਕੀਤੀ ਗਈ ਇਸ ਰੇਡ ਵਿਚ ਪੁਲਿਸ ਨੂੰ ਕਾਮਯਾਬੀ, ਉਦੋਂ ਹੱਥ ਲੱਗੀ ਜਦ ਪਿੰਡ ਦੇ ਛੱਪੜ ਵਿੱਚੋਂ ਪੈਂਤੀ ਡਰੰਮ ਲਾਹਣ ਦੇ ਬਰਾਮਦ ਹੋਏ। ਇੰਨਾ ਹੀ ਨਹੀਂ ਪਿੰਡ ਵਿਚ ਸ਼ਰਾਬ ਤਸਕਰ ਰੇਡ ਦਾ ਪਤਾ ਲੱਗਦੇ ਹੀ ਆਪਣੇ ਘਰਾਂ ਨੂੰ ਤਾਲੇ ਲਾ ਭੱਜ ਗਏ, ਜਿਨ੍ਹਾਂ ਨੂੰ ਪੁਲਿਸ ਵੱਲੋਂ ਪੰਚਾਇਤ ਦੀ ਮਦਦ ਨਾਲ ਖੁੱਲ੍ਹਵਾਇਆ ਗਿਆ । ਪੁਲਿਸ ਨੇ ਦੱਸਿਆ ਕਿ ਇਸ ਰੇਡ ਪੱਚੀ ਸੌ ਲੀਟਰ ਦੇ ਕਰੀਬ ਦੇਸੀ ਲਾਹਣ ਬਰਾਮਦ ਹੋਈ, ਜਿਸ ਨੂੰ ਕਿ ਨਸ਼ਟ ਕੀਤਾ ਜਾ ਰਿਹਾ ਹੈ।
ਇਸ ਮੌਕੇ ਪਿੰਡ ਵਾਲਿਆਂ ਨੇ ਵੀ ਆਪਣਾ ਪੱਖ ਰੱਖਦੇ ਹੋਏ ਕਿਹਾ ਕਿ ਪਿੰਡ ਵਿਚ ਕੁਝ ਇਕ ਲੋਕ ਨਸ਼ਾ ਤਸਕਰੀ ਦੇ ਧੰਦੇ ਵਿਚ ਲਿਪਤ ਹਨ ਪਰ ਇਸ ਦੇ ਨਾਲ ਸਾਰੇ ਪਿੰਡ ਨੂੰ ਨਮੋਸ਼ੀ ਝੱਲਣੀ ਪੈਂਦੀ ਹੈ । ਉਧਰ ਰੇਡ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਡੀਐੱਸਪੀ ਅਤੁਲ ਸੋਨੀ ਨੇ ਕਿਹਾ ਕਿ ਇਸ ਵਾਰ ਦੀ ਰੇਡ ਨਸ਼ਾ ਤਸਕਰ ਯਾਦ ਰੱਖਣਗੇ ਹੈ। ਉਨ੍ਹਾਂ ਕਿਹਾ ਕਿ ਜੋ ਲੋਕ ਘਰ ਛੱਡ ਫ਼ਰਾਰ ਹੋਏ ਨੇ ਪੁਲਿਸ ਨੂੰ ਉਨ੍ਹਾਂ ਬਾਰੇ ਸਾਰੀ ਜਾਣਕਾਰੀ ਹੈ ਅਤੇ ਜਲਦ ਹੀ ਉਨ੍ਹਾਂ 'ਤੇ ਵੱਡੀ ਕਾਰਵਾਈ ਹੋਣ ਜਾ ਰਹੀ ਹੈ ।
A major operation by the police and the excise department found 35 drums of crude oil and liquor from the dirty water pond of village Mahalam
