ਨਦੀ ਵਿਚਕਾਰ ਇਕ ਕਿਸ਼ਤੀ 'ਤੇ ਗੈਸ ਸਿਲੰਡਰ ਫਟਣ ਨਾਲ 5 ਮਜ਼ਦੂਰ ਜ਼ਿੰਦਾ ਸੜੇ, ਪਛਾਣ ਕਰਨੀ ਹੋਈ ਮੁਸ਼ਕਿਲ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ, ਪਟਨਾ: ਪਟਨਾ ਨੇੜੇ ਸੋਨ ਨਦੀ 'ਚ ਇਕ ਵੱਡੀ ਕਿਸ਼ਤੀ 'ਤੇ ਖਾਣਾ ਬਣਾਉਂਦੇ ਸਮੇਂ ਅੱਗ ਲੱਗ ਜਾਣ ਕਾਰਨ ਚਾਰ ਮਜ਼ਦੂਰ ਜ਼ਿੰਦਾ ਸੜ ਗਏ। ਇਸ ਕਿਸ਼ਤੀ ਦੀ ਵਰਤੋਂ ਰੇਤ ਦੀ ਨਾਜਾਇਜ਼ ਮਾਈਨਿੰਗ ਲਈ ਕੀਤੀ ਜਾ ਰਹੀ ਸੀ। ਐਲਪੀਜੀ ਸਿਲੰਡਰ ਨੂੰ ਅੱਗ ਲੱਗਣ ਤੋਂ ਬਾਅਦ ਧਮਾਕਾ ਹੋਣ ਦੀ ਵੀ ਚਰਚਾ ਹੈ। ਹਾਦਸੇ ਵਿੱਚ ਸੜ ਗਈਆਂ ਮਜ਼ਦੂਰਾਂ ਦੀਆਂ ਲਾਸ਼ਾਂ ਦੀ ਸ਼ਨਾਖਤ ਕਰਨੀ ਮੁਸ਼ਕਲ ਹੋ ਰਹੀ ਹੈ।
ਹਾਲਾਂਕਿ ਮੌਕੇ 'ਤੇ ਮੌਜੂਦ ਹੋਰ ਕਿਸ਼ਤੀਆਂ 'ਚ ਤਾਇਨਾਤ ਮਜ਼ਦੂਰਾਂ ਦੀ ਮਦਦ ਨਾਲ ਮ੍ਰਿਤਕਾਂ ਦੀ ਪਛਾਣ ਕਰ ਲਈ ਗਈ ਹੈ।ਮ੍ਰਿਤਕਾਂ ਵਿੱਚੋਂ ਇਕ ਝਾਰਖੰਡ ਦਾ ਹੈ ਜਦਕਿ ਬਾਕੀ ਸਥਾਨਕ ਵਾਸੀ ਹਨ। ਘਟਨਾ ਸਥਾਨ ਤੋਂ ਥੋੜ੍ਹੀ ਦੂਰੀ 'ਤੇ ਸੋਨ ਨਦੀ ਗੰਗਾ ਨਾਲ ਮਿਲਦੀ ਹੈ। ਇਹ ਘਟਨਾ ਸ਼ਨਿਚਰਵਾਰ ਨੂੰ ਮਨੇਰ ਦੇ ਰਾਮਪੁਰ ਡਾਇਰਾ 'ਚ ਵਾਪਰੀ।
ਮਿਲੀ ਜਾਣਕਾਰੀ ਮੁਤਾਬਕ ਕਿਸ਼ਤੀ ਜ਼ਰੀਏ ਨਾਜਾਇਜ਼ ਰੇਤ ਨੂੰ ਇਕ ਥਾਂ ਤੋਂ ਦੂਜੀ ਥਾਂ ਪਹੁੰਚਾਇਆ ਜਾ ਰਿਹਾ ਸੀ। ਇਸ ਦੌਰਾਨ ਰੇਤ ਟਰਾਂਸਪੋਰਟ ’ਚ ਲੱਗੇ ਮਜ਼ਦੂਰਾਂ ਲਈ ਦੁਪਹਿਰ ਦਾ ਖਾਣਾ ਬਣਾਇਆ ਜਾ ਰਿਹਾ ਸੀ। ਮਜ਼ਦੂਰ ਡੀਜ਼ਲ ਦੇ ਡੱਬਿਆਂ ਕੋਲ ਖਾਣਾ ਬਣਾ ਰਹੇ ਸਨ, ਇਸ ਲਈ ਅਚਾਨਕ ਅੱਗ ਲੱਗ ਗਈ। ਨਦੀ ਦੇ ਵਿਚੋਂ-ਵਿਚ ਅੱਗ ਦੀਆਂ ਲਪਟਾਂ ’ਚ ਕਿਸ਼ਤੀ ਸਵਾਰ 5 ਮਜ਼ਦੂਰਾਂ ਦੀ ਦਰਦਨਾਕ ਮੌਤ ਹੋ ਗਈ। ਰੈਸਕਿਊ ਟੀਮ ਵਲੋਂ ਜ਼ਖ਼ਮੀਆਂ ਨੂੰ ਨੇੜੇ ਦੇ ਹਸਪਤਾਲ ’ਚ ਦਾਖ਼ਲ ਕਰਵਾ ਦਿੱਤਾ ਹੈ। ਫ਼ਿਲਹਾਲ ਜ਼ਖ਼ਮੀਆਂ ਦਾ ਅਧਿਕਾਰਤ ਅੰਕੜਾ ਸਾਹਮਣੇ ਨਹੀਂ ਆਇਆ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਪਹਿਲਾਂ ਕਿਹਾ ਜਾ ਰਿਹਾ ਸੀ ਕਿ ਸਿਲੰਡਰ ਧਮਾਕਾ ਹੋਇਆ ਹੈ ਪਰ ਅਜਿਹਾ ਨਹੀਂ ਹੈ।
It was difficult to identify 5 laborers alive after a gas cylinder exploded on a boat in the middle of the river
