YouTuber ਨੂੰ ਮਿਲਣ ਲਈ ਪਟਿਆਲਾ ਤੋਂ ਸਾਈਕਲ ਚਲਾ ਕੇ ਦਿੱਲੀ ਪੁੱਜਾ 13 ਸਾਲ ਦਾ ਬੱਚਾ, ਫਿਰ ਹੋਇਆ ਕੁਝ ਅਜਿਹਾ...
LPTV / Chandigarh
ਲਾਈਵ ਪੰਜਾਬੀ ਟੀਵੀ: ਇੱਕ ਮਸ਼ਹੂਰ ਹਸਤੀ ਲਈ ਉਸਦੇ ਪ੍ਰਸ਼ੰਸਕ ਬਹੁਤ ਮਾਇਨੇ ਰੱਖਦੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਵਿਦਿਆਰਥੀ ਘਰ ਤੋਂ ਸਕੂਲ ਲਈ ਰਵਾਨਾ ਹੋਇਆ ਪਰ 300 ਕਿਲੋਮੀਟਰ ਸਾਈਕਲ ਚਲਾ ਕੇ ਪਟਿਆਲਾ ਤੋਂ ਦਿੱਲੀ ਪਹੁੰਚਿਆ। ਉਹ ਆਪਣੇ ਪਸੰਦੀਦਾ ਯੂਟਿਊਬਰ ਨੂੰ ਮਿਲਣਾ ਚਾਹੁੰਦਾ ਸੀ ਉਸ ਨੂੰ ਦਿੱਲੀ ਪਹੁੰਚਣ ਵਿਚ ਤਿੰਨ ਦਿਨ ਲੱਗ ਗਏ। ਦੂਜੇ ਪਾਸੇ ਪਰਿਵਾਰਕ ਮੈਂਬਰ ਉਸ ਦੀ ਭਾਲ ਵਿੱਚ ਦਿਨ-ਰਾਤ ਇਕ ਕਰਦੇ ਰਹੇ ਪਰ ਵਿਦਿਆਰਥੀ ਦੂਜੇ ਸੂਬੇ ਵਿੱਚ ਪਹੁੰਚ ਗਿਆ ਪੁਲਿਸ ਵੱਲੋ ਵਿਦਿਆਰਥੀ ਨੂੰ ਸੁਰੱਖਿਅਤ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ। ਵਿਦਿਆਰਥੀ ਨੇ ਆਪਣੇ ਪਸੰਦੀਦਾ YouTuber ਨੂੰ ‘ਟਰਿੱਗਰਡ ਇਨਸਾਨ’ ਦੱਸਿਆ ਹੈ।
ਦੱਸਿਆ ਗਿਆ ਕਿ ਪੰਜਾਬ ਦੇ ਪਟਿਆਲਾ ਦਾ ਰਹਿਣ ਵਾਲਾ ਇੱਕ ਵਿਦਿਆਰਥੀ 4 ਅਕਤੂਬਰ ਨੂੰ ਸਾਈਕਲ ਲੈ ਕੇ ਸਕੂਲ ਲਈ ਰਵਾਨਾ ਹੋਇਆ ਸੀ। ਪਰ ਸਕੂਲ ਦੀ ਛੁੱਟੀ ਦਾ ਸਮਾਂ ਬੀਤਣ ਬਾਅਦ ਵੀ ਜਦੋਂ ਘਰ ਨਹੀਂ ਆਇਆ ਤਾ ਸਭ ਨੂੰ ਉਸਦੀ ਚਿੰਤਾ ਹੋਣ ਲੱਗੀ, ਜਦ ਮਾਪਿਆਂ ਨੇ ਸਕੂਲ ਵਿੱਚ ਪੁੱਛਗਿੱਛ ਕੀਤੀ ਤਾਂ ਪਤਾ ਲੱਗਾ ਕਿ ਵਿਦਿਆਰਥੀ ਇੱਥੇ ਨਹੀਂ ਆਇਆ। ਜਦ ਪਰਿਵਾਰਿਕ ਮੈਂਬਰਾ ਨੇ ਉਸ ਦੇ ਦੋਸਤਾਂ ਨੂੰ ਪੁੱਛਿਆ ਤਾਂ ਯੂਟਿਊਬਰ ਨਿਸ਼ਚਯ ਮਲਹਾਨ ਜੋ ਯੂਟਿਊਬ ‘ਤੇ ਟ੍ਰਿਗਰਡ ਇੰਸਾਨ ਦੇ ਨਾਮ ਨਾਲ ਮਸ਼ਹੂਰ ਹੈ,ਦਾ ਨਾਮ ਸਾਹਮਣੇ ਆਇਆ।
ਪਰਿਵਾਰਕ ਮੈਂਬਰਾਂ ਨੂੰ ਇਹ ਸਮਝਣ ਵਿੱਚ ਦੇਰ ਨਹੀਂ ਲੱਗੀ ਕਿ ਵਿਦਿਆਰਥੀ ਇਸ ਯੂਟਿਊਬਰ ਨੂੰ ਮਿਲਣ ਆਇਆ ਹੈ। ਇਸ ਦੀ ਸੂਚਨਾ ਤੁਰੰਤ ਪਟਿਆਲਾ ਦੀ ਅਨਾਜ ਮੰਡੀ ਪੁਲੀਸ ਨੂੰ ਦਿੱਤੀ ਗਈ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਅਧਿਕਾਰੀਆਂ ਨੇ ਦਿੱਲੀ ਦੇ ਉੱਤਰ ਪੱਛਮੀ ਜ਼ਿਲੇ ਦੇ ਮੌਰਿਆ ਐਨਕਲੇਵ ਪੁਲਸ ਸਟੇਸ਼ਨ ‘ਚ ਵਿਦਿਆਰਥੀ ਬਾਰੇ ਜਾਣਕਾਰੀ ਦਿੱਤੀ। ਪੁਲਿਸ ਨੂੰ ਪਤਾ ਸੀ ਕਿ ਯੂਟਿਊਬਰ ਨਿਸ਼ਚੇ ਮਲਹਾਨ ਪੀਤਮਪੁਰਾ ਇਲਾਕੇ ਵਿੱਚ ਰਹਿੰਦਾ ਹੈ। ਪਰਿਵਾਰ ਨੇ ਸੋਸ਼ਲ ਮੀਡੀਆ ‘ਤੇ ਵੀ ਮਦਦ ਮੰਗੀ।
ਲੜਕੇ ਦੇ ਪਰਿਵਾਰ ਨੇ ਟਵਿੱਟਰ ‘ਤੇ ਦਿੱਲੀ ਅਤੇ ਪੰਜਾਬ ਪੁਲਿਸ ਦਾ ਧੰਨਵਾਦ ਕੀਤਾ ਹੈ। ਲੜਕੇ ਦੇ ਦਾਦਾ, ਇੱਕ ਬੈਂਕ ਤੋਂ ਸੇਵਾਮੁਕਤ ਅਧਿਕਾਰੀ, ਨੇ ਕਿਹਾ, “ਮੇਰੇ ਪੋਤੇ ਨੂੰ ਗੁਮਰਾਹ ਕੀਤਾ ਗਿਆ ਸੀ…ਉਹ 4 ਅਕਤੂਬਰ ਨੂੰ ਘਰ ਛੱਡ ਗਿਆ ਸੀ। ਸਕੂਲ ਜਾਣ ਦੀ ਬਜਾਏ ਉਹ ਦਿੱਲੀ ਚਲਾ ਗਿਆ ਸੀ। ਅਸੀਂ ਪਟਿਆਲੇ ਤੋਂ ਕਰਨਾਲ ਤੱਕ ਕੈਮਰਿਆਂ ਦੀ ਤਲਾਸ਼ੀ ਲਈ ਤਾਂ ਪਤਾ ਲੱਗਾ ਕਿ ਉਹ ਚਲਾ ਗਿਆ। ਅਸੀਂ ਦਿੱਲੀ ਵਿੱਚ ਅਧਿਕਾਰੀਆਂ ਨੂੰ ਮਿਲੇ ਅਤੇ ਦੇਖਿਆ ਕਿ ਦਿੱਲੀ ਪੁਲਿਸ ਪਹਿਲਾਂ ਹੀ ਇਸ ਮਾਮਲੇ ਵਿੱਚ ਸੀ। ਮੈਂ ਪੁਲਿਸ ਸਟਾਫ਼ ਦਾ ਧੰਨਵਾਦੀ ਹਾਂ…ਉਨ੍ਹਾਂ ਨੇ ਸਾਰੀ ਰਾਤ ਮੇਰੇ ਪੋਤੇ ਦੀ ਭਾਲ ਕੀਤੀ। ਉਨ੍ਹਾਂ ਨੇ ਮੇਰੇ ਨਾਲ ਵਾਅਦਾ ਕੀਤਾ ਕਿ ਉਹ ਮੇਰੇ ਪੋਤੇ ਨੂੰ ਲੱਭ ਲੈਣਗੇ ਅਤੇ ਉਨ੍ਹਾਂ ਨੇ ਕੀਤਾ। ਮੇਰੇ ਕੋਲ ਆਪਣਾ ਧੰਨਵਾਦ ਕਰਨ ਲਈ ਸ਼ਬਦ ਨਹੀਂ ਹਨ…, ”।
A 13 year old boy reached Delhi by bicycle from Patiala to meet the YouTuber something similar happened again
