BSF ਜਵਾਨਾਂ ਨੇ ਨਸ਼ਾ ਤਸਕਰੀ ਨੂੰ ਮੁੜ ਕੀਤਾ ਨਾਕਾਮ, ਪਾਕਿਸਤਾਨੀ ਡਰੋਨ ਨੂੰ ਸੁੱਟਿਆ, ਢਾਈ ਕਿਲੋ ਹੈਰੋਇਨ ਬਰਾਮਦ
LPTV / Chandigarh
ਅੰਮ੍ਰਿਤਸਰ: BSF ਨੇ ਪੰਜਾਬ ਦੇ ਅੰਮ੍ਰਿਤਸਰ 'ਚ ਸਰਹੱਦ ‘ਤੇ ਪਾਕਿਸਤਾਨੀ ਤਸਕਰਾਂ ਦੀ ਇੱਕ ਹੋਰ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ। ਪਿਛਲੇ ਚਾਰ ਦਿਨਾਂ ਵਿੱਚ BSF ਦੇ ਜਵਾਨਾਂ ਨੇ ਪਾਕਿਸਤਾਨ ਵਾਲੇ ਪਾਸੇ ਤੋਂ ਆ ਰਹੇ ਤੀਜੇ ਡਰੋਨ ਨੂੰ ਡੇਗ ਦਿੱਤਾ ਹੈ। ਡਰੋਨ ਦੇ ਨਾਲ ਹੀ ਪਾਕਿਸਤਾਨੀ ਸਮੱਗਲਰਾਂ ਨੇ ਨਸ਼ੇ ਦੀ ਖੇਪ ਵੀ ਭੇਜੀ ਸੀ, ਜਿਸ ਨੂੰ BSF ਜਵਾਨਾਂ ਨੇ ਜ਼ਬਤ ਕਰ ਲਿਆ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਡਰੋਨ ਅੰਮ੍ਰਿਤਸਰ ਦੇ ਸਰਹੱਦੀ ਖੇਤਰ 'ਚ ਬਣੇ ਬੀਓਪੀ ਕਲਾਮ ਡੋਗਰ ਪਿੰਡ ਛੰਨਾ ਨੇੜੇ ਭਾਰਤੀ ਸਰਹੱਦ 'ਚ ਦਾਖ਼ਲ ਹੋ ਗਿਆ। BSF ਦੀ 183 ਬਟਾਲੀਅਨ ਰਾਤ ਸਮੇਂ ਗਸ਼ਤ ’ਤੇ ਸੀ। ਫਿਰ ਰਾਤ ਕਰੀਬ 8:30 ਵਜੇ ਫੌਜੀਆਂ ਨੇ ਡਰੋਨ ਦੀ ਆਵਾਜ਼ ਸੁਣੀ। ਬਿਨਾਂ ਸਮਾਂ ਬਰਬਾਦ ਕੀਤੇ ਸਿਪਾਹੀਆਂ ਨੇ ਆਵਾਜ਼ ਵੱਲ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਡਰੋਨ ਦੀ ਸਹੀ ਸਥਿਤੀ ਦੇਖਣ ਲਈ ਰੋਸ਼ਨੀ ਬੰਬ ਵੀ ਸੁੱਟੇ ਗਏ। ਇਸ ਦੌਰਾਨ ਇੱਕ ਗੋਲੀ ਡਰੋਨ ਨੂੰ ਲੱਗੀ।
ਜਾਣਕਾਰੀ ਅਨੁਸਾਰ ਬੀਓਪੀ ਕਲਾਮ ਡੋਗਰਾ ਵਿੱਚ ਸੁੱਟਿਆ ਗਿਆ ਇਹ ਡਰੋਨ ਵੀ ਇੱਕ ਆਕਟਾ-ਕਾਪਟਰ ਡੀਜੇਆਈ ਮੈਟ੍ਰਿਕਸ ਹੈ ਜਿਸ 'ਚ 8 ਪ੍ਰੋਪੈਲਰ (ਵਿੰਗ) ਹਨ। ਇਸੇ ਤਰ੍ਹਾਂ BSF ਵੱਲੋਂ ਪਹਿਲਾਂ ਵੀ ਡਰੋਨ ਨੂੰ ਡੇਗਿਆ ਗਿਆ ਹੈ। ਇਸ ਦੀ ਬੈਟਰੀ ਦੀ ਸਮਰੱਥਾ ਕਾਰਨ ਇਹ ਡਰੋਨ ਲੰਬੇ ਸਮੇਂ ਤੱਕ ਹਵਾ ‘ਚ ਉੱਡ ਸਕਦਾ ਹੈ, ਜਦਕਿ ਇਸ ਦੀ ਰੇਂਜ ਵੀ ਕਾਫੀ ਜ਼ਿਆਦਾ ਹੈ।
ਡਰੋਨ ਨਾਲ ਕਾਲੇ ਰੰਗ ਦਾ ਪੈਕੇਟ ਵੀ ਲੱਗਾ ਹੋਇਆ ਸੀ। ਜਿਸ ਨੂੰ ਪਾਕਿਸਤਾਨੀ ਸਮੱਗਲਰਾਂ ਨੇ ਭਾਰਤੀ ਸਰਹੱਦ ਵਿੱਚ ਪਹੁੰਚਾਇਆ ਜਾਣਾ ਸੀ ਪਰ ਇਸ ਡਰੋਨ ਨਾਲ ਬੀਐਸਐਫ ਨੇ ਇਹ ਖੇਪ ਵੀ ਬਰਾਮਦ ਕਰ ਲਈ। ਖੇਪ ਦਾ ਕੁੱਲ ਵਜ਼ਨ ਲਗਭਗ 2,500 ਕਿਲੋਗ੍ਰਾਮ ਹੈ।
ਬੀਐਸਐਫ ਵੱਲੋਂ ਪਿਛਲੇ ਚਾਰ ਦਿਨਾਂ ਵਿੱਚ ਫੜਿਆ ਗਿਆ ਇਹ ਤੀਜਾ ਡਰੋਨ ਹੈ।
BSF jawans resume drug smuggling shoot down Pakistani drone recover 2 5 kg of heroin
