ਏਅਰਫੋਰਸ ਨੇ ਖ਼ਤਰਿਆਂ ਨਾਲ ਖੇਡਦਿਆਂ ਸੁਡਾਨ 'ਚ 121 ਭਾਰਤੀਆਂ ਨੂੰ ਬਚਾਇਆ
LPTV / Chandigarh
ਨੈਸ਼ਨਲ ਡੈਸਕ: ਸੁਡਾਨ 'ਚ ਫਸੇ ਭਾਰਤੀਆਂ ਨੂੰ ਆਪਰੇਸ਼ਨ ਕਾਵੇਰੀ ਤਹਿਤ ਬਾਹਰ ਕੱਢਿਆ ਜਾ ਰਿਹਾ ਏ। ਭਾਰਤੀ ਹਵਾਈ ਸੈਨਾ ਅਤੇ ਜਲ ਸੈਨਾ ਦੇ ਬੇੜੇ ਇਸ ਕੰਮ ਵਿੱਚ ਜੁਟ ਗਏ ਹਨ। ਭਾਰਤੀ ਹਵਾਈ ਸੈਨਾ ਨੇ ਖ਼ਤਰਿਆਂ ਦਾ ਸਾਹਮਣਾ ਕਰਦੇ ਹੋਏ ਇੱਕ ਦਲੇਰਾਨਾ ਆਪ੍ਰੇਸ਼ਨ ਵਿਚ 121 ਲੋਕਾਂ ਨੂੰ ਬਚਾਇਆ। ਇਹ ਇੱਕ ਅਜਿਹਾ ਆਪ੍ਰੇਸ਼ਨ ਸੀ ਜਿਸਦੀ ਸਫਲਤਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਸੀ ਅਤੇ ਇਸਨੂੰ ਭਾਰਤੀ ਹਵਾਈ ਸੈਨਾ ਦੇ ਬਹਾਦਰਾਂ ਨੇ ਪੂਰਾ ਕੀਤਾ ਸੀ।
ਦਰਅਸਲ, ਹਿੰਸਾ ਪ੍ਰਭਾਵਿਤ ਸੂਡਾਨ ਦੀ ਰਾਜਧਾਨੀ ਖਾਰਟੂਮ ਤੋਂ ਲਗਭਗ 40 ਕਿਲੋਮੀਟਰ ਦੂਰ ਵਾਦੀ ਸਯਿਦਨਾ ਨੇੜੇ 121 ਭਾਰਤੀ ਫਸੇ ਹੋਏ ਸਨ। ਇੱਥੇ ਇੱਕ ਛੋਟੀ ਹਵਾਈ ਪੱਟੀ ਸੀ। 27/28 ਅਪ੍ਰੈਲ ਦੀ ਰਾਤ ਨੂੰ ਇਸ ਆਪਰੇਸ਼ਨ ਵਿੱਚ ਹਵਾਈ ਸੈਨਾ ਦੇ ਸੀ-130ਜੇ ਵਰਗੇ ਭਾਰੀ ਜਹਾਜ਼ਾਂ ਨੂੰ ਤਾਇਨਾਤ ਕੀਤਾ ਗਿਆ ਸੀ। ਬਹੁਤ ਛੋਟੇ ਰਨਵੇ 'ਤੇ ਰਾਤ ਨੂੰ ਲੈਂਡਿੰਗ ਦੀ ਕੋਈ ਸਹੂਲਤ ਨਹੀਂ ਸੀ। ਸੀ-130ਜੇ ਵਰਗੇ ਜਹਾਜ਼ ਨੂੰ ਘੱਟ ਦ੍ਰਿਸ਼ਟੀ ਦੇ ਕਾਰਨ ਉੱਥੇ ਉਤਾਰਨਾ ਇੱਕ ਚੁਣੌਤੀਪੂਰਨ ਕੰਮ ਸੀ।
Airforce saved 121 Indians in Sudan by playing with risks
