ਕੈਨੇਡਾ 'ਚ 2 ਪੰਜਾਬੀਆਂ ਨੂੰ ਸਜ਼ਾ ਸੁਣਾਈ , 2019 'ਚ ਕੀਤਾ ਸੀ ਕ.ਤ.ਲ
LPTV / Chandigarh
ਵਿਦੇਸ਼ ਡੈਸਕ: ਬ੍ਰਿਟਿਸ਼ ਕੋਲੰਬੀਆ ਵਿਚ ਇਕ ਵਿਅਕਤੀ ਦੇ ਕਤਲ ਦੇ ਦੋਸ਼ ਵਿਚ 2 ਪੰਜਾਬੀਆਂ ਨੂੰ ਸਜ਼ਾ ਸੁਣਾਈ ਗਈ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਐਂਡਰਿਊ ਬਾਲਡਿਵਨ (30) ਨਾਂ ਦੇ ਵਿਅਕਤੀ ਦਾ 11 ਨਵੰਬਰ 2019 ਨੂੰ ਚਾਕੂ ਮਾਰ ਕੇ ਉਦੋਂ ਕਤਲ ਕਰ ਦਿੱਤਾ ਗਿਆ ਸੀ, ਜਦੋਂ ਉਹ ਇਕ ਬੇਸਮੈਂਟ ਅਪਾਰਟਮੈਂਟ ਵਿੱਚ ਆਪਣੇ ਇਕ ਦੋਸਤ ਨਾਲ ਫਿਲਮ ਦੇਖ ਰਿਹਾ ਸੀ। ਇਕ ਰਿਪੋਰਟ ਮੁਤਾਬਕ ਬ੍ਰਿਟਿਸ਼ ਕੋਲੰਬੀਆ ਦੀ ਸੁਪਰੀਮ ਕੋਰਟ ਦੇ ਜਸਟਿਸ ਮਾਰਥਾ ਐੱਮ. ਡੇਵਲਿਨ ਨੇ ਫੈਸਲੇ ਵਿਚ ਜਗਪਾਲ ਸਿੰਘ ਹੋਠੀ (24) ਨੂੰ 3 ਸਾਲ ਦੀ ਸਜ਼ਾ ਸੁਣਾਈ। ਰਿਪੋਰਟ ਅਨੁਸਾਰ ਜਸਮਾਨ ਸਿੰਘ ਬਸਰਨ (24) ਨਾਂ ਦੇ ਨੌਜਵਾਨ ਨੂੰ ਵੀ ਇਸ ਕੇਸ ਵਿੱਚ ਉਸ ਦੀ ਭੂਮਿਕਾ ਲਈ 18 ਮਹੀਨਿਆਂ ਦੀ ਸਜ਼ਾ ਸੁਣਾਈ ਗਈ ਹੈ, ਜਿਸ ਤਹਿਤ ਉਹ ਆਪਣੇ ਘਰ ’ਚ ਹੀ ਨਜ਼ਰਬੰਦ ਰਹੇਗਾ। ਇਨ੍ਹਾਂ ਲੋਕਾਂ ’ਤੇ ਸਬੰਧਤ ਮਾਮਲੇ ਵਿਚ ਗੰਭੀਰ ਦੋਸ਼ ਨਹੀਂ ਲੱਗੇ ਸਨ।
In Canada 2 Punjabis were sentenced for the murder committed in 2019
