ਗੁਆਟੇਮਾਲਾ 'ਚ ਨਦੀ ਦਾ ਬੰਨ੍ਹ ਟੁੱਟਣ ਕਾਰਨ 6 ਲੋਕਾਂ ਦੀ ਮੌ-ਤ, 13 ਲਾਪਤਾ
LPTV / Chandigarh
ਵਿਦੇਸ਼ ਡੈਸਕ: ਮੱਧ ਅਮਰੀਕੀ ਦੇਸ਼ ਗੁਆਟੇਮਾਲਾ ਦੀ ਰਾਜਧਾਨੀ ਵਿਚ ਭਾਰੀ ਮੀਂਹ ਕਾਰਨ ਇੱਕ ਨਦੀ ਦਾ ਬੰਨ੍ਹ ਟੁੱਟ ਗਿਆ। ਇਸ ਹਾਦਸੇ 'ਚ 6 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 13 ਹੋਰ ਲਾਪਤਾ ਹੋ ਗਏ। ਗਵਾਟੇਮਾਲਾ ਦੀ ਰਾਸ਼ਟਰੀ ਆਫ਼ਤ ਏਜੰਸੀ ਕੋਨਰਾਡ ਦੇ ਅਨੁਸਾਰ, ਭਾਰੀ ਮੀਂਹ ਕਾਰਨ ਗੁਆਟੇਮਾਲਾ ਸਿਟੀ ਵਿੱਚੋਂ ਲੰਘਣ ਵਾਲੀ ਲਾਸ ਵੈਕਸ ਨਦੀ ਵਿੱਚ ਸ਼ਹਿਰ ਦੇ ਦੱਖਣ ਵਿੱਚ ਤਿੰਨ ਕਿਲੋਮੀਟਰ ਤੱਕ ਹੜ੍ਹ ਆ ਗਿਆ, ਜਿਸ ਵਿੱਚ ਛੇ ਲੋਕ ਵਹਿ ਗਏ। ਫਾਇਰ ਡਿਪਾਰਟਮੈਂਟ ਦੇ ਮੁਖੀ ਸਰਜੀਓ ਕੈਬਾਨਾਸ ਨੇ ਕਿਹਾ ਕਿ ਡੈਮ ਟੁੱਟਣ ਕਾਰਨ ਛੇ ਲੋਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਗਈ ਹੈ ਅਤੇ ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਬਰਾਮਦ ਕਰ ਲਿਆ ਗਿਆ ਹੈ। ਹਾਲਾਂਕਿ ਇਸ ਹਾਦਸੇ ਤੋਂ ਬਾਅਦ ਵੀ ਕਈ ਲਾਸ਼ਾਂ ਮਿਲਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਦੱਸਿਆ ਕਿ ਮਰਨ ਵਾਲਿਆਂ ਵਿੱਚ ਇੱਕ ਲੜਕੀ ਅਤੇ ਪੰਜ ਬਾਲਗ ਸ਼ਾਮਲ ਹਨ।
6 people dead 13 missing due to river dam collapse in Guatemala
