ਕੈਨੇਡਾ ਦੀਆਂ ਸੜਕਾਂ 'ਤੇ ਖਤਰ-ਨਾਕ ਤਰੀਕੇ ਨਾਲ ਸਟੰਟ ਕਰ ਰਿਹਾ ਸੀ ਪੰਜਾਬੀ, ਫਿਰ ਪੁਲਿਸ ਨੇ ਕੱਢ 'ਤੇ ਵਾਰੰਟ
LPTV / Chandigarh
ਵਿਦੇਸ਼ ਡੈਸਕ: ਪੰਜਾਬੀ ਆਪਣੇ ਵਧੀਆਂ ਭਵਿੱਖ ਲਈ ਵਿਦੇਸ਼ਾਂ ਵਲ ਰੁਖ ਕਰ ਰਹੇ ਹਨ। ਕਈ ਨੌਜਵਾਨ ਸਖਤ ਮਿਹਨਤ ਕਰ ਰਹੇ ਹਨ ਪਰ ਕਈ ਨੌਜਵਾਨ ਅਜਿਹੇ ਵੀ ਹਨ, ਜੋ ਵਿਦੇਸ਼ਾਂ 'ਚ ਆਪਣੇ ਦੇਸ਼ ਦਾ ਨਾਂ ਖਰਾਬ ਕਰਨ 'ਚ ਹੋਈ ਕਸਰ ਨਹੀਂ ਛੱਡ ਰਹੇ ਹਨ। ਅਜਿਹੇ ਨੌਜਵਾਨ ਵਿਦੇਸ਼ਾਂ 'ਚ ਜਾ ਕੇ ਗਲਤ ਕੰਮਾਂ 'ਚ ਪੈ ਜਾਂਦੇ ਅਤੇ ਕਈਆਂ ਵੱਲੋਂ ਹੁੱਲੜਬਾਜੀ ਵਰਗੀਆਂ ਖ਼ਬਰਾਂ ਵੀ ਮਿਲਦੀਆਂ ਹਨ। ਅਜਿਹਾ ਇਕ ਮਾਮਲਾ ਕੈਨੇਡਾ ਦੇ ਸ਼ਹਿਰ ਪੀਲ ਤੋਂ ਸਾਹਮਣੇ ਆਇਆ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਪੀਲ ਪੁਲਿਸ ਵੱਲੋਂ ਸ਼ੈਰੀਡਨ ਕਾਲਜ ਪਲਾਜ਼ਾ ਵਿਖੇ ਖਤਰਨਾਕ ਡਰਾਈਵਿੰਗ ਮਾਮਲੇ ‘ਚ ਬਰੈਂਪਟਨ ਦੇ ਗੁਰਪ੍ਰੀਤ ਸਿੰਘ ਖਿਲਾਫ ਵਾਰੰਟ ਜਾਰੀ ਕੀਤੇ ਗਏ ਹਨ। ਗੁਰਪ੍ਰੀਤ ਸਿੰਘ ਵੱਲੋ ਕਾਲੀ ਜੀਪ ਦੇ ਨਾਲ ਭੀੜ-ਭੜੱਕੇ ਵਾਲੀ ਪਾਰਕਿੰਗ ਵਿੱਚ ਖਤਰਨਾਕ ਤਰੀਕੇ ਨਾਲ ਸਟੰਟ ਕੀਤੇ ਗਏ , ਅਫਸਰਾਂ ਤੋਂ ਬਾਂਹ ਛੁਡਾ ਮੌਕੇ ਤੋਂ ਭੱਜਿਆ ਗਿਆ ਸੀ । 22 ਡਿਵੀਜ਼ਨ ਕ੍ਰਿਮੀਨਲ ਇਨਵੈਸਟੀਗੇਸ਼ਨ ਬਿਊਰੋ ਦੇ ਜਾਂਚਕਰਤਾ ਖਤਰਨਾਕ ਡਰਾਈਵਿੰਗ ਜਾਂਚ ਵਿੱਚ ਸ਼ਾਮਲ ਵਾਹਨ ਦੇ ਡਰਾਈਵਰ ਦਾ ਪਤਾ ਲਗਾਉਣ ਵਿੱਚ ਜਨਤਾ ਦੀ ਸਹਾਇਤਾ ਦੀ ਮੰਗ ਕਰ ਰਹੇ ਹਨ। ਡਰਾਈਵਰ ਦੀ ਪਛਾਣ ਗੁਰਪ੍ਰੀਤ ਸਿੰਘ ਉਮਰ 26 ਸਾਲ ਵਾਸੀ ਬਰੈਂਪਟਨ ਵਜੋਂ ਹੋਈ ਹੈ। ਮੰਨਿਆ ਜਾਂਦਾ ਹੈ ਕਿ ਉਹ ਪੁਲਿਸ ਤੋਂ ਬਚ ਰਿਹਾ ਹੈ ਅਤੇ ਇੱਕ ਮੋਟਰ ਵਾਹਨ ਦਾ ਖਤਰਨਾਕ ਸੰਚਾਲਨ, ਪੁਲਿਸ ਅਫਸਰ ਨਾਲ ਤਕਰਾਰ ਤੇ ਪੀਸ ਅਫਸਰ ਤੋਂ ਫਲਾਈਟ ਅਪਰਾਧਾਂ ਲਈ ਗ੍ਰਿਫਤਾਰੀ ਵਾਰੰਟ ਜਾਰੀ ਕੀਤਾ ਗਿਆ ਹੈ।
A Punjabi was doing dangerous stunts on the roads of Canada then the police issued a warrant
