ਪਿਆਰ ਦੇ ਚੱਕਰਾਂ ਚ ਪਈ ਦੋ ਬੱਚਿਆਂ ਦੀ ਮਾਂ, ਪਤਨੀ ਦੀ ਜ਼ਿੱਦ ਅੱਗੇ ਹਾਰਿਆ ਪਤੀ; ਪ੍ਰੇਮੀ ਨਾਲ ਕੀਤਾ ਵਿਦਾ
Lptv / Chandigarh
ਨੈਸ਼ਨਲ ਡੈਸਕ : ਕਹਿੰਦੇ ਆ ਜਦੋਂ ਇਨਸਾਨ ਪਿਆਰ 'ਚ ਹੁੰਦਾ ਹੈ ਤਾਂ ਉਸਨੂੰ ਕੁਝ ਵੀ ਚੰਗਾ ਨਹੀਂ ਲੱਗਦਾ ਤੇ ਚੰਗੇ ਮਾੜੇ ਦੀ ਪਛਾਣ ਵੀ ਭੁੱਲ ਜਾਂਦਾ ਹੈ। ਰੋਜ਼ਾਨਾ ਅਜਿਹੀਆਂ ਖ਼ਬਰ ਸੁਨਣ ਤੇ ਦੇਖਣ ਨੂੰ ਮਿਲਦੀਆਂ ਹਨ ਕਿ ਪ੍ਰੇਮੀ ਆਪਣਾ ਘਰ ਛੱਡ ਕੇ ਭੱਜ ਗਏ ਜਾਂ ਪਤਨੀ ਪਤੀ ਤੇ ਬੱਚੇ ਛੱਡ ਕੇ ਪ੍ਰੇਮੀ ਨਾਲ ਫਰਾਰ ਹੋ ਗਏ। ਅਜਿਹਾ ਇਕ ਮਾਮਲਾ ਉੱਤਰ ਪ੍ਰਦੇਸ਼ ਤੋਂ ਸਾਹਮਣੇ ਆਇਆ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਉੱਤਰ ਪ੍ਰਦੇਸ਼ ਦੇ ਦੇਵਰੀਆ ਜ਼ਿਲੇ ਦੇ ਤਰਕੁਲਵਾ ਇਲਾਕੇ ਦੇ ਇਕ ਪਿੰਡ 'ਚ ਪਤੀ ਨੇ ਆਪਣੀ ਪਤਨੀ ਨੂੰ ਪ੍ਰੇਮੀ ਨਾਲ ਭੇਜ ਦਿੱਤਾ। ਪਤਨੀ ਵੱਲੋਂ ਜ਼ਹਿਰ ਖਾ ਕੇ ਆਤਮਹੱਤਿਆ ਕਰਨ ਦੀ ਧਮਕੀ ਦੇਣ ਤੋਂ ਬਾਅਦ ਪਤੀ ਨੇ ਹਾਰ ਮੰਨ ਲਈ ਅਤੇ ਥਾਣੇ ਵਿੱਚ ਹੋਈ ਪੰਚਾਇਤ ਤੋਂ ਬਾਅਦ ਉਹ ਦੋਵੇਂ ਬੱਚਿਆਂ ਨੂੰ ਲੈ ਕੇ ਘਰ ਪਰਤਿਆ। ਇਹ ਘਟਨਾ ਇਲਾਕੇ ਵਿੱਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਤਰਕੁਲਵਾ ਥਾਣਾ ਖੇਤਰ ਦੇ ਇਕ ਪਿੰਡ ਦੇ ਇਕ ਨੌਜਵਾਨ ਦਾ ਕਰੀਬ 5 ਸਾਲ ਪਹਿਲਾਂ ਸਲੇਮਪੁਰ ਇਲਾਕੇ ਦੀ ਇਕ ਲੜਕੀ ਨਾਲ ਪੱਥਰਦੇਵਾ ਦੇ ਅਮਵਾ ਪਿੰਡ 'ਚ ਵਿਆਹ ਕਰਵਾਇਆ ਗਿਆ ਸੀ। ਦੋਵੇਂ ਖੁਸ਼ੀ ਨਾਲ ਰਹਿੰਦੇ ਸਨ। ਇਸ ਦੌਰਾਨ ਦੋਹਾਂ ਦੇ ਇਕ ਬੇਟਾ ਅਤੇ ਇਕ ਬੇਟੀ ਹੋਈ। ਪੁੱਤਰ ਦੀ ਉਮਰ ਕਰੀਬ ਚਾਰ ਸਾਲ ਅਤੇ ਬੇਟੀ ਢਾਈ ਸਾਲ ਦੀ ਹੈ।
ਇਸ ਦੌਰਾਨ ਪਤੀ ਘਰ ਦੀ ਆਰਥਿਕ ਹਾਲਤ ਸੁਧਾਰਨ ਲਈ ਪੈਸੇ ਕਮਾਉਣ ਲਈ ਬਾਹਰ ਚਲਾ ਗਿਆ ਅਤੇ ਇੱਥੇ ਪਤਨੀ ਨੂੰ ਨੇੜੇ ਹੀ ਰਹਿੰਦੇ ਇਕ ਕੁਆਰੇ ਨੌਜਵਾਨ ਨਾਲ ਪਿਆਰ ਹੋ ਗਿਆ। ਕੁਝ ਦਿਨਾਂ ਦੀ ਕਮਾਈ ਕਰ ਕੇ ਵਾਪਸ ਆਏ ਪਤੀ ਨੂੰ ਜਦੋਂ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਸ ਨੇ ਸ਼ਨੀਵਾਰ ਰਾਤ ਪਿੰਡ ਮੁਖੀ ਦੇ ਦਰਵਾਜ਼ੇ 'ਤੇ ਪੰਚਾਇਤ ਕਰਵਾਈ। ਇਸ ਵਿੱਚ ਪ੍ਰੇਮੀ ਨੂੰ ਵੀ ਬੁਲਾਇਆ ਗਿਆ ਸੀ। ਅਜੇ ਗੱਲਬਾਤ ਚੱਲ ਹੀ ਰਹੀ ਸੀ ਕਿ ਪ੍ਰੇਮੀ ਨੇ ਪਤੀ ਨੂੰ ਚਾਰ ਥੱਪੜ ਮਾਰ ਦਿੱਤੇ ਅਤੇ ਆਪਣੀ ਪ੍ਰੇਮਿਕਾ ਨਾਲ ਬਾਈਕ 'ਤੇ ਚਲਾ ਗਿਆ। ਪੁਲਿਸ ਨੂੰ ਬੇਨਤੀ ਕਰਨ 'ਤੇ ਐਤਵਾਰ ਨੂੰ ਥਾਣੇ 'ਚ ਪੰਚਾਇਤ ਹੋਈ।
ਰਾਤ ਭਰ ਪੰਚਾਇਤ ਚੱਲਦੀ ਰਹੀ ਅਤੇ ਔਰਤ ਆਪਣੇ ਪ੍ਰੇਮੀ ਨਾਲ ਜਾਣ 'ਤੇ ਅੜੀ ਰਹੀ ਅਤੇ ਉਹ ਮੰਨਣ ਨੂੰ ਤਿਆਰ ਨਹੀਂ ਸੀ। ਉਸ ਨੇ ਪੁਲਿਸ ਮੁਲਾਜ਼ਮਾਂ ਨੂੰ ਚਿਤਾਵਨੀ ਵੀ ਦਿੱਤੀ ਕਿ ਜੇਕਰ ਉਸ ਨੂੰ ਆਪਣੇ ਪ੍ਰੇਮੀ ਨਾਲ ਨਾ ਜਾਣ ਦਿੱਤਾ ਗਿਆ ਤਾਂ ਉਹ ਥਾਣੇ 'ਚ ਹੀ ਜ਼ਹਿਰ ਖਾ ਕੇ ਖੁਦਕੁਸ਼ੀ ਕਰ ਲਵੇਗੀ। ਇਸ ਤੋਂ ਬਾਅਦ ਪਤੀ ਨੇ ਉਸ ਨੂੰ ਪ੍ਰੇਮੀ ਨਾਲ ਥਾਣੇ ਤੋਂ ਵਿਦਾ ਕਰ ਦਿੱਤਾ। ਥਾਣਾ ਸਦਰ ਦੇ ਇੰਚਾਰਜ ਦਿਗਵਿਜੇ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀ ਇਸ ਮਾਮਲੇ ਦੀ ਸੂਚਨਾ ਮਿਲੀ ਸੀ। ਪਰ ਪਿੰਡ ਵਾਸੀਆਂ ਨੇ ਪਿੰਡ ਪੱਧਰ ’ਤੇ ਮਾਮਲਾ ਸੁਲਝਾ ਲਿਆ।
The mother of two children in a circle of love lost to the stubbornness of the wife farewell to the lover
