ਮੀਂਹ 'ਚ ਡੁੱਬੇ ਸੁਲਤਾਨਪੁਰ ਲੋਧੀ ਦੇ ਮੰਡ ਖੇਤਰ ਦੇ ਕਈ ਪਿੰਡ, ਡਿੱਗੇ ਕਿਸਾਨਾਂ ਦੇ ਮਕਾਨ, ਫ਼ਸਲ ਹੋਈ ਬਰਬਾਦ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ, ਸੁਲਤਾਨਪੁਰ ਲੋਧੀ : ਸੁਲਤਾਨਪੁਰ ਲੋਧੀ ਤੇ ਮੰਡ ਖੇਤਰ 'ਚ ਭਾਰੀ ਮੀਂਹ ਕਾਰਨ ਕਿਸਾਨਾਂ ਦੀ ਝੋਨੇ ਦੀ ਫ਼ਲਸ ਪੂਰੀ ਤਰ੍ਹਾਂ ਬਰਬਾਦ ਹੋ ਗਈ। ਇੰਨਾ ਹੀ ਨਹੀਂ ਮੀਂਹ ਦੇ ਪਾਣੀ ਵਿਚ ਪੰਜਾਬ ਦੇ ਕਈ ਪਿੰਡ ਡੁੱਬ ਗਏ। ਗਰੀਬ ਕਿਸਾਨਾਂ ਦੇ ਕੱਚੇ ਘਰ ਇਸ ਆਫ਼ਤ ਦੇ ਮੀਂਹ ਵਿਚ ਡਿੱਗ ਗਏ, ਜਿਸ ਕਾਰਨ ਕਿਸਾਨ ਆਪਣਾ ਘਰ ਬਾਰ ਛੱਡ ਕੇ ਦੂਜੀ ਉੱਚੀ ਥਾਂ ਜਾਂ ਨੂੰ ਮਜਬੂਰ ਹਨ। ਇਨ੍ਹਾਂ ਹਾਲਾਤ 'ਚੋਂ ਨਿਕਲਣ ਲਈ ਕਿਸਾਨਾਂ ਨੇ ਸਰਕਾਰ ਤੋਂ ਮਦਦ ਦੀ ਗੁਹਾਰ ਲਗਾਈ ਹੈ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਗਿਰਦਾਵਰੀ ਕਰਵਾ ਕੇ ਉਨ੍ਹਾਂ ਨੂੰ ਮੁਆਵਜ਼ਾ ਦਿੱਤਾ ਜਾਵੇ।
ਇਸ ਸਬੰਧੀ ਪਿੰਡ ਮੰਡ ਬੰਦੂਵਾਲ, ਬੰਦੂ ਜਦੀਦ, ਕਿਸਨ ਪੁਰ ਘੜਕਾ, ਮੰਡ ਮੁਬਾਰਕਪੁਰ , ਪਿੰਡਾ ਸਾਂਗਰਾ , ਟਿੱਬੀ,ਆਹਲੀ ਕਲਾਂ,ਗੁੱਦੇ ਅਤੇ ਮੰਡ ਇਲਾਕੇ 20 ਪਿੰਡਾਂ ਦੇ ਕਿਸਾਨਾਂ ਨੇ ਦੱਸਿਆ ਕਿ ਬੀਤੇ ਦਿਨ 1 ਹਫਤੇ ਤੋਂ ਰੋਜ਼ਾਨਾ ਭਾਰੀ ਮੀਂਹ ਮੰਡ ਖੇਤਰ ‘ਚ ਪੈ ਰਿਹਾ ਹੈ। ਜਿਸ ਨਾਲ ਝੋਨੇ ਦੀ ਫ਼ਸਲ ਡੁੱਬ ਚੁੱਕੀ ਹੈ। ਅਤੇ ਖੇਤਾਂ ਵਿੱਚ 4 ਤੋ 5 ਫੁੱਟ ਪਾਣੀ ਖੜ੍ਹਾ ਹੈ। ਕਿਸਾਨਾਂ ਨੇ ਕਿਹਾ ਕਿ ਸਾਡੇ ਪਸ਼ੂ ਵੀ ਭੁੱਖੇ ਬੈਠੇ ਹੋਏ ਹਨ ਨਾ ਉਨ੍ਹਾਂ ਨੂੰ ਖੁਆਉਣ ਲਈ ਚਾਰਾ ਹੈ ਨਾ ਹੀ ਬੱਚਿਆਂ ਨੂੰ ਖੁਆਉਣ ਲਈ ਰੋਟੀ ।ਕਿਸਾਨਾਂ ਨੇ ਦੱਸਿਆ ਕਿ ਜੇ ਕਿਤੇ ਦਿਨ ਲੱਗਣ 'ਤੇ ਪਾਣੀ ਦਾ ਪੱਧਰ ਕੁੱਝ ਘੱਟ ਹੁੰਦਾ ਹੈ ਤਾਂ ਤੁਰੰਤ ਬਾਰਿਸ਼ ਭਾਰੀ ਮਾਤਰਾਂ ‘ਚ ਹੋ ਜਾਦੀ ਹੈ। ਪਾਣੀ ਦਾ ਪੱਧਰ ਫਿਰ ਵੱਧ ਜਾਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਫਸਲ ਡੁੱਬੀ ਨੂੰ 1 ਹਫਤਾ ਹੋ ਚੁੱਕਾ ਹੈ। ਫ਼ਸਲ ਪੂਰੀ ਤਰ੍ਹਾਂ ਖਰਾਬ ਹੋ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਫ਼ਸਲ ਖਰਾਬ ਹੋਣ ਨਾਲ ਕਿਸਾਨਾਂ ਨੂੰ ਬਹੁਤ ਨੁਕਸਾਨ ਝਲਣਾ ਹੋਵੇਗਾ ਕਿਉਂਕਿ ਹਾਲੇ ਵੀ ਬਾਰਿਸ਼ ਦਾ ਪ੍ਰਕੋਪ ਘੱਟਿਆ ਨਹੀ ਹੈ।
ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਦੇ ਜ਼ਿਲ੍ਹਾ ਪ੍ਰਧਾਨ ਸਰਵਣ ਸਿੰਘ ਬਾਊਪੁਰ ਅਤੇ ਹੋਰ ਕਿਸਾਨਾਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਜਿੰਨ੍ਹਾ ਪਿੰਡਾ ‘ਚ ਕਿਸਾਨਾਂ ਦੀ ਫਸਲ ਬਾਰਿਸ਼ ਕਾਰਨ ਬਰਬਾਦ ਹੋ ਚੁੱਕੀ ਹੈ। ਉਨ੍ਹਾ ਕਿਸਾਨਾਂ ਦੀ ਫਸਲ ਦਾ ਮੁਆਵਜ਼ਾ ਤੁਰੰਤ ਦੇ ਕੇ ਰਾਹਤ ਦਿੱਤੀ ਜਾਵੇ।
Many villages of Mand area of Sultanpur Lodhi drowned in rain houses of farmers fell and crops were ruined
