ਇੱਕ ਸਟਿੱਕੀ ਨੋਟ ’ਤੇ 150 ਸ਼ਬਦ ਲਿਖ ਕੇ ਪੁਸ਼ਪਾਜਯੋਤੀ ਨੇ ਬਣਾਇਆ ਵਿਸ਼ਵ ਰਿਕਾਰਡ
Lptv News / Panjab
ਗਿਨੀਜ਼ ਵਰਲਡ ਰਿਕਾਰਡ ਆਪਣੇ ਨਾਮ ਕਰ ਲਿਆ
ਪੁਸ਼ਪਾਜਯੋਤੀ ਨੂੰ ਵੱਖ-ਵੱਖ ਹੈਂਡਰਾਈਟਿੰਗ ਸਟਾਈਲ ਨਾਲ ਪ੍ਰਯੋਗ ਕਰਨਾ ਪਸੰਦ ਹੈ।
ਸੰਯੁਕਤ ਅਰਬ ਅਮੀਰਾਤ (UAE) ਚ ਰਹਿਣ ਵਾਲੀ 29 ਸਾਲਾ ਸੀਨੀਅਰ ਕਲਾਉਡ ਇੰਜੀਨੀਅਰ ਪੁਸ਼ਪਾਜਯੋਤੀ ਰਵੀਕੁਮਾਰ ਨੇ ਇੱਕੋ ਸਟਿੱਕੀ ਨੋਟ ’ਤੇ 150 ਵੱਖ-ਵੱਖ ਸ਼ਬਦ ਲਿਖ ਕੇ ਗਿਨੀਜ਼ ਵਰਲਡ ਰਿਕਾਰਡ ਆਪਣੇ ਨਾਮ ਕਰ ਲਿਆ ਹੈ।
ਪੁਸ਼ਪਾਜਯੋਤੀ ਨੇ ਸੀਮਤ ਜਗ੍ਹਾ ਚ 150 ਸ਼ਬਦ ਲਿਖਣ ਲਈ ਮੁੱਖ ਤੌਰ ’ਤੇ ਤਿੰਨ ਅੱਖਰਾਂ ਵਾਲੇ ਛੋਟੇ ਸ਼ਬਦ ਚੁਣੇ। ਉਨ੍ਹਾਂ ਦੀ ਲਿਖਾਵਟ ਇੰਨੀ ਬਰੀਕ ਅਤੇ ਸਾਫ਼ ਸੀ ਕਿ ਹਰ ਸ਼ਬਦ ਨੂੰ ਵੱਖਰੇ ਤੌਰ ’ਤੇ ਪੜ੍ਹਿਆ ਜਾ ਸਕਦਾ ਸੀ।
ਦੁਬਈ ਚ ਰਹਿਣ ਵਾਲੀ ਪੁਸ਼ਪਾਜਯੋਤੀ ਨੇ ਦੱਸਿਆ ਕਿ ਉਹ ਬਚਪਨ ਤੋਂ ਹੀ ਗਿਨੀਜ਼ ਵਰਲਡ ਰਿਕਾਰਡ ਤੋਂ ਪ੍ਰਭਾਵਿਤ ਸੀ ਅਤੇ ਇਸ ਦਾ ਹਿੱਸਾ ਬਣਨ ਦਾ ਸੁਪਨਾ ਦੇਖਦੀ ਸੀ।
ਦੂਜਿਆਂ ਨੂੰ ਰਿਕਾਰਡ ਬਣਾਉਂਦਿਆਂ ਦੇਖ ਕੇ ਉਨ੍ਹਾਂ ਨੂੰ ਆਪਣੇ ਲਿਖਾਵਟ ਦੇ ਹੁਨਰ ਨੂੰ ਅਜ਼ਮਾਉਣ ਦੀ ਪ੍ਰੇਰਣਾ ਮਿਲੀ।
ਉਨ੍ਹਾਂ ਨੇ ਪਹਿਲੀ ਹੀ ਕੋਸ਼ਿਸ਼ ਚ ਇਹ ਰਿਕਾਰਡ ਬਣਾਇਆ। ਪੁਸ਼ਪਾਜਯੋਤੀ ਨੂੰ ਵੱਖ-ਵੱਖ ਹੈਂਡਰਾਈਟਿੰਗ ਸਟਾਈਲ ਨਾਲ ਪ੍ਰਯੋਗ ਕਰਨਾ ਪਸੰਦ ਹੈ। ਉਨ੍ਹਾਂ ਕਿਹਾ ਕਿ ਇਸ ਉਪਲਬਧੀ ਨੇ ਉਨ੍ਹਾਂ ਨੂੰ ਆਪਣਾ ਹੁਨਰ ਦਿਖਾਉਣ ਦਾ ਮੌਕਾ ਦੇਣ ਦੇ ਨਾਲ ਆਤਮ-ਵਿਸ਼ਵਾਸ ਵੀ ਵਧਾਇਆ ਹੈ।
Pushpajyoti set a world record by writing 150 words on a sticky note
