ਚੰਡੀਗੜ੍ਹ ਘੁੰਮਣ ਵਾਲਿਆਂ ਲਈ ਚੰਡੀਗੜ੍ਹ ਪ੍ਰਸ਼ਾਸਨ ਦੇਵੇਗਾ ਖ਼ਾਸ ਸੁਵਿਧਾ
ਚੰਡੀਗੜ੍ਹ, 16 ਅਪ੍ਰੈਲ 2025: ਛੁੱਟੀਆਂ 'ਤੇ ਚੰਡੀਗੜ੍ਹ ਜਾਣ ਵਾਲੇ ਲੋਕਾਂ ਨੂੰ ਵੱਡੀ ਰਾਹਤ ਮਿਲਣ ਵਾਲੀ ਹੈ। ਚੰਡੀਗੜ੍ਹ ਪ੍ਰਸ਼ਾਸਨ ਆਉਣ ਵਾਲੇ ਦਿਨਾਂ 'ਚ ਇੱਕ ਵਿਆਪਕ ਸੈਰ-ਸਪਾਟਾ ਪ੍ਰਮੋਸ਼ਨ ਪਲਾਨ ਲਾਗੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਕਦਮ ਚੰਡੀਗੜ੍ਹ ਨੂੰ ਪ੍ਰਮੁੱਖ ਸੈਰ-ਸਪਾਟਾ ਸਥਾਨਾਂ ਦੀ ਸੂਚੀ 'ਚ ਸ਼ਾਮਲ ਕਰਨ ਦੇ ਉਦੇਸ਼ ਨਾਲ ਚੁੱਕਿਆ ਜਾ ਰਿਹਾ ਹੈ।
ਇਸ ਤਹਿਤ ਵਿਦੇਸ਼ੀ ਅਤੇ ਹੋਰ ਸੈਲਾਨੀਆਂ ਨੂੰ ਬਿਹਤਰ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ। ਇਹ ਦੱਸਿਆ ਗਿਆ ਹੈ ਕਿ ਸੈਰ-ਸਪਾਟਾ ਵਿਭਾਗ ਚੰਡੀਗੜ੍ਹ ਦੇ ਹੋਟਲਾਂ ਲਈ ਵਿਲੱਖਣ ਆਈਡੀ ਅਤੇ ਲਾਈਵ ਡੇਟਾ ਅਪਲੋਡ ਸਿਸਟਮ ਲਈ ਇੱਕ ਪੋਰਟਲ ਲਾਂਚ ਕਰੇਗਾ। ਇਸ ਨਾਲ ਆਪਸੀ ਤਾਲਮੇਲ ਨੂੰ ਸੁਵਿਧਾ ਮਿਲੇਗੀ।
ਇਸ ਤਹਿਤ ਟੋਲ-ਫ੍ਰੀ ਹੈਲਪਲਾਈਨ, ਸੈਲਾਨੀ ਕੇਂਦਰਾਂ ਦੀ ਔਨਲਾਈਨ ਟਿਕਟਿੰਗ ਦੇ ਨਾਲ-ਨਾਲ ਹੋਰ ਸਹੂਲਤਾਂ ਵੀ ਪ੍ਰਦਾਨ ਕੀਤੀਆਂ ਜਾਣਗੀਆਂ। ਤੁਹਾਨੂੰ ਦੱਸ ਦਈਏ ਕਿ ਹਰ ਸਾਲ ਲੱਖਾਂ ਸੈਲਾਨੀ ਚੰਡੀਗੜ੍ਹ ਆਉਂਦੇ ਹਨ। ਇਸ ਯੋਜਨਾ ਦੇ ਲਾਗੂ ਹੋਣ ਤੋਂ ਬਾਅਦ ਸੈਲਾਨੀਆਂ ਦੀ ਗਿਣਤੀ ਵਧਣ ਦੀ ਉਮੀਦ ਹੈ। ਚੰਡੀਗੜ੍ਹ ਵਿੱਚ ਸੁਖਨਾ ਝੀਲ, ਸਰਕਾਰੀ ਅਜਾਇਬ ਘਰ, ਰੌਕ ਗਾਰਡਨ ਸਮੇਤ ਕਈ ਘੁੰਮਣ-ਫਿਰਨ ਵਾਲੀਆਂ ਥਾਵਾਂ ਹਨ ਜਿੱਥੇ ਲੋਕ ਛੁੱਟੀਆਂ ਮਨਾਉਣ ਆਉਂਦੇ ਹਨ।
Chandigarh Administration To Provide Special Facilities For Chandigarh Visitors
