Punjab Weather Alert - ਪੰਜਾਬ ਦੇ 6 ਜ਼ਿਲ੍ਹਿਆਂ 'ਚ ਵੱਜੀ ਤਿੱਖੀ ਸਰਦੀਆਂ ਦੀ ਚੇਤਾਵਨੀ, 'Yellow Alert' ਜਾਰੀ!
Punjab
Punjab Weather Alert : ਪੰਜਾਬ ਦੇ 6 ਜ਼ਿਲ੍ਹਿਆਂ 'ਚ ਵੱਜੀ ਤਿੱਖੀ ਸਰਦੀਆਂ ਦੀ ਚੇਤਾਵਨੀ, 'Yellow Alert' ਜਾਰੀ!
ਚੰਡੀਗੜ੍ਹ, 29 ਨਵੰਬਰ 2025: ਪੰਜਾਬ ਵਿੱਚ ਪੈ ਰਹੀ ਕੜਾਕੇ ਦੀ ਠੰਢ ਹੁਣ ਖਤਰਨਾਕ ਰੁਖ ਧਾਰ ਰਹੀ ਹੈ। ਮੌਸਮ ਵਿਭਾਗ ਨੇ ਸੂਬੇ ਦੇ 6 ਜਿਲ੍ਹਿਆਂ—ਫਾਜ਼ਿਲਕਾ, ਮੁਕਤਸਰ ਸਾਹਿਬ, ਬਠਿੰਡਾ, ਫਰੀਦਕੋਟ, ਜਲੰਧਰ ਅਤੇ ਮੋਗਾ ਵਿੱਚ Cold Wave ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਪੀਲਾ ਅਲਰਟ ਜਾਰੀ ਕੀਤਾ ਹੈ। ਇਨ੍ਹਾਂ ਇਲਾਕਿਆਂ ਵਿੱਚ ਅੱਜ ਤੋਂ ਤਾਪਮਾਨ ਹੋਰ ਡਿੱਗਣ ਦਾ ਅਨੁਮਾਨ ਹੈ।
ਤਾਜ਼ਾ ਮੌਸਮੀ ਰਿਪੋਰਟ ਮੁਤਾਬਕ, ਪਿਛਲੇ 24 ਘੰਟਿਆਂ ਵਿੱਚ ਰਾਤ ਦੇ ਤਾਪਮਾਨ ਵਿੱਚ 0.1 ਡਿਗਰੀ ਦੀ ਹੋਰ ਕਮੀ ਦਰਜ ਕੀਤੀ ਗਈ ਹੈ।
ਫਰੀਦਕੋਟ ਬਣਿਆ ਸਭ ਤੋਂ ਠੰਢਾ ਸ਼ਹਿਰ
ਠੰਢ ਦੀ ਇਹ ਲਹਿਰ ਫਰੀਦਕੋਟ ਵਿੱਚ ਸਭ ਤੋਂ ਵੱਧ ਪ੍ਰਭਾਵਸ਼ਾਲੀ ਰਹੀ, ਜਿੱਥੇ ਪਾਰਾ 3.5 ਡਿਗਰੀ ਸੈਲਸੀਅਸ ਤੱਕ ਡਿੱਗ ਗਿਆ। ਚੰਡੀਗੜ੍ਹ ਵਿੱਚ ਵੀ ਰਾਤ ਦਾ ਤਾਪਮਾਨ 8 ਡਿਗਰੀ ਰਿਹਾ, ਜਿਸ ਨਾਲ ਸ਼ਹਿਰ ਵਾਸੀਆਂ ਨੇ ਵੀ ਸਰਦੀਆਂ ਦੀ ਤੀਬਰਤਾ ਮਹਿਸੂਸ ਕੀਤੀ। ਮੌਸਮ ਵਿਗਿਆਨੀ ਕਹਿ ਰਹੇ ਹਨ ਕਿ ਆਉਣ ਵਾਲੇ ਦਿਨਾਂ ਵਿੱਚ ਸਰਦੀ ਹੋਰ ਵਧ ਸਕਦੀ ਹੈ।
ਅਗਲੇ 48 ਘੰਟਿਆਂ 'ਚ ਕੁਝ ਰਾਹਤ, ਫਿਰ ਵਾਪਸ ਗਿਰਾਵਟ
ਮੌਸਮ ਵਿਭਾਗ ਦੀ ਭਵਿੱਖਬਾਣੀ ਅਨੁਸਾਰ:
ਅਗਲੇ 2 ਦਿਨਾਂ ਵਿੱਚ ਦਿਨ ਦੇ ਤਾਪਮਾਨ ਵਿੱਚ ਕਰੀਬ 2 ਡਿਗਰੀ ਦਾ ਵਾਧਾ
ਉਸ ਤੋਂ ਬਾਅਦ ਮੁੜ Cold Wave ਦੇ ਹੁੰਦੇ ਹੋਰ ਗਿਰਾਵਟ
ਇਸ ਵੇਲੇ ਵੱਧ ਤੋਂ ਵੱਧ ਤਾਪਮਾਨ ਵਿੱਚ 0.6 ਡਿਗਰੀ ਦਾ ਹਲਕਾ ਸੁਧਾਰ ਵੀ ਦਰਜ ਕੀਤਾ ਗਿਆ ਹੈ।
ਠੰਢ ਦੇ ਨਾਲ ਪ੍ਰਦੂਸ਼ਣ ਦਾ ਵੀ ਵਧਿਆ ਦਬਾਅ
ਪੰਜਾਬ ਅਤੇ ਚੰਡੀਗੜ੍ਹ ਵਿੱਚ ਹਵਾ ਦੀ ਕੁਆਲਿਟੀ ਵੀ ਚਿੰਤਾਜਨਕ ਪੱਧਰ 'ਤੇ ਹੈ। ਸਵੇਰੇ 6 ਵਜੇ ਦੇ AQI ਅੰਕੜੇ ਅਨੁਸਾਰ:
ਪਟਿਆਲਾ – 148
ਜਲੰਧਰ – 128
ਮੰਡੀ ਗੋਬਿੰਦਗੜ੍ਹ – 123
ਅੰਮ੍ਰਿਤਸਰ – 114
ਖੰਨਾ – 109
ਬਠਿੰਡਾ – 78
ਚੰਡੀਗੜ੍ਹ ਸੈਕਟਰ-25 – 107
ਚੰਡੀਗੜ੍ਹ ਸੈਕਟਰ-22 – 84
ਇਹ ਅੰਕੜੇ ਇਲਾਕਿਆਂ ਵਿੱਚ ਹਵਾ ਦੇ ਮੌਜੂਦਾ ਪ੍ਰਦੂਸ਼ਣ ਪੱਧਰ ਨੂੰ ਦਰਸਾਉਂਦੇ ਹਨ।
Punjab Weather Alert Severe Winter Warning Sounded In 6 Districts Of Punjab Yellow Alert Issued
