ਪੰਜਾਬ ਦੇ ਇੰਨਾ 8 ਜ਼ਿਲ੍ਹਿਆਂ ਵਿੱਚ ਜਾਰੀ ਹੋਇਆ 'Cold Wave' ਦਾ Alert, ਹਫ਼ਤੇ ਭਰ ਰਹੇਗੀ ਹੱਡ ਕੰਬਾਉਂਦੀ ਠੰਢ
Punjab
ਪੰਜਾਬ ਦੇ ਇੰਨਾ 8 ਜ਼ਿਲ੍ਹਿਆਂ ਵਿੱਚ ਜਾਰੀ ਹੋਇਆ 'Cold Wave' ਦਾ Alert, ਹਫ਼ਤੇ ਭਰ ਰਹੇਗੀ ਹੱਡ ਕੰਬਾਉਂਦੀ ਠੰਢ
LIVE PUNJABI TV BUREAU
ਚੰਡੀਗੜ੍ਹ, 6 ਦਸੰਬਰ 2025: ਪੰਜਾਬ ਅਤੇ ਚੰਡੀਗੜ੍ਹ ਠੰਢ ਦੇ ਕੜੇ ਪ੍ਰਹਾਰ ਹੇਠ ਹਨ। ਘੱਟਦੇ ਪਾਰੇ ਅਤੇ ਵਧਦੇ ਕੋਹਰੇ ਨੂੰ ਦੇਖਦੇ ਹੋਏ ਮੌਸਮ ਵਿਭਾਗ ਨੇ ਅੱਜ ਸੂਬੇ ਦੇ 8 ਜ਼ਿਲ੍ਹਿਆਂ ਵਿੱਚ ਸੀਤ ਲਹਿਰ ਦਾ 'ਯੈਲੋ ਅਲਰਟ' ਜਾਰੀ ਕਰ ਦਿੱਤਾ ਹੈ।
ਇਹ ਅਲਰਟ ਜ਼ਿਲ੍ਹੇ ਹਨ — ਫਿਰੋਜ਼ਪੁਰ, ਮੁਕਤਸਰ, ਫਾਜ਼ਿਲਕਾ, ਬਠਿੰਡਾ, ਮੋਗਾ, ਜਲੰਧਰ, ਫਰੀਦਕੋਟ ਅਤੇ ਮਾਨਸਾ। ਇਨ੍ਹਾਂ ਇਲਾਕਿਆਂ ਵਿੱਚ ਅੱਜ ਅਤੇ ਅਗਲੇ ਦਿਨਾਂ ਤੱਕ ਤਿੱਖੀ ਠੰਢ ਪੈਣ ਦੀ ਸੰਭਾਵਨਾ ਹੈ।
ਪਿਛਲੇ 24 ਘੰਟਿਆਂ ਵਿੱਚ ਘੱਟੋ-ਘੱਟ ਤਾਪਮਾਨ ਵਿੱਚ ਹੋਰ ਕਮੀ ਦਰਜ ਕੀਤੀ ਗਈ ਹੈ। ਆਦਮਪੁਰ 2°C ਅਤੇ ਫਰੀਦਕੋਟ 3°C ਦੇ ਨਾਲ ਅੱਜ ਸੂਬੇ ਦੇ ਸਭ ਤੋਂ ਠੰਢੇ ਸ਼ਹਿਰ ਰਹੇ।
ਚੰਡੀਗੜ੍ਹ ਦੀ ਹਵਾ ਹੋਈ ਹੋਰ ਵੀ ਖ਼ਰਾਬ
ਠੰਢ ਦੇ ਨਾਲ-ਨਾਲ ਹਵਾ ਦੀ ਗੁਣਵੱਤਾ ਵੀ ਚਿੰਤਾ ਦਾ ਕਾਰਣ ਬਣ ਗਈ ਹੈ। ਸਵੇਰੇ 6 ਵਜੇ ਦੇ ਏਕਿਊਆਈ ਅੰਕੜਿਆਂ ਅਨੁਸਾਰ —
ਸੈਕਟਰ-22 ਵਿੱਚ AQI: 222
ਸੈਕਟਰ-53 ਵਿੱਚ AQI: 213
ਸੈਕਟਰ-25 ਵਿੱਚ AQI: 212
ਉੱਥੇ ਹੀ, ਮੰਡੀ ਗੋਬਿੰਦਗੜ੍ਹ 207 AQI ਨਾਲ ਪੰਜਾਬ ਵਿੱਚ ਸਭ ਤੋਂ ਪ੍ਰਦੂਸ਼ਿਤ ਸਥਾਨ ਰਿਹਾ।
ਹਫ਼ਤੇ ਭਰ ਮੌਸਮ ਦਾ ਰੁਖ — ਰਾਹਤ ਨਹੀਂ
ਮੌਸਮ ਵਿਭਾਗ ਦੇ ਅਨੁਸਾਰ, ਅਗਲੇ 7 ਦਿਨਾਂ ਤੱਕ —
ਮੀਂਹ ਨਹੀਂ ਪਵੇਗਾ
ਧੁੰਦ ਅਤੇ ਕੋਹਰਾ ਪਰੇਸ਼ਾਨੀ ਬਣੇ ਰਹਿਣਗੇ
ਰਾਤ-ਸਵੇਰ ਦੇ ਤਾਪਮਾਨ ਵਿੱਚ ਹਲਕਾ ਵਾਧਾ ਹੋ ਸਕਦਾ ਹੈ
ਦਿਨ ਦੌਰਾਨ ਹਵਾ ਸੁੱਕੀ ਅਤੇ ਠੰਢੀ ਰਹੇਗੀ
ਜਨਤਾ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਸਵੇਰੇ-ਸ਼ਾਮ ਘਰ ਤੋਂ ਬਾਹਰ ਨਿਕਲਦਿਆਂ ਗਰਮ ਕੱਪੜੇ ਪਹਿਨਣ, ਖ਼ਾਸ ਕਰਕੇ ਬੱਚਿਆਂ ਅਤੇ ਬਜ਼ੁਰਗਾਂ ਦੀ ਦੇਖਭਾਲ ਵਧਾਈ ਜਾਵੇ।
Cold Wave Alert Issued In 8 Districts Of Punjab Bone chilling Cold Will Continue For A Week
