ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਵਿੱਚ ਭਾਰਤ ਨੇ ਜਾਪਾਨ ਨੂੰ 4-1 ਨਾਲ ਹਰਾਇਆ,
Live Punjabi TV / Jalandhar Punjab
ਲਗਾਤਾਰ ਤੀਜੀ ਜਿੱਤ
ਅਭਿਸ਼ੇਕ ਨੈਨ ਮੈਚ ਦਾ ਸਿਤਾਰਾ ਬਣੇ। ਉਨ੍ਹਾਂ ਦੋ ਫੀਲਡ ਗੋਲ ਕੀਤੇ
ਜਲੰਧਰ: ਪੰਜਾਬ ਦੇ ਜਲੰਧਰ ਵਿੱਚ ਕੱਲ੍ਹ ਸ਼ਾਮ ਪੁਰਸ਼ਾਂ ਦੀ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਵਿੱਚ ਭਾਰਤ ਨੇ ਜਾਪਾਨ ਨੂੰ 4-1 ਨਾਲ ਹਰਾਇਆ। ਇਹ ਟੂਰਨਾਮੈਂਟ ਵਿੱਚ ਭਾਰਤ ਦੀ ਲਗਾਤਾਰ ਤੀਜੀ ਜਿੱਤ ਹੈ।
ਭਾਰਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਵਿੱਚ ਅਭਿਸ਼ੇਕ ਨੈਨ ਮੈਚ ਦਾ ਸਿਤਾਰਾ ਬਣੇ। ਉਨ੍ਹਾਂ ਦੋ ਫੀਲਡ ਗੋਲ ਕੀਤੇ ਅਤੇ ‘ਪਲੇਅਰ ਆਫ਼ ਦ ਮੈਚ’ ਚੁਣੇ ਗਏ। ਵਿਸ਼ਨੂਕਾਂਤ ਸਿੰਘ ਨੇ ਇੱਕ ਗੋਲ ਕੀਤਾ, ਜਦਕਿ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲ ਕੇ ਟੂਰਨਾਮੈਂਟ ਵਿੱਚ ਆਪਣਾ ਪੰਜਵਾਂ ਗੋਲ ਕੀਤਾ।
ਜਾਪਾਨ ਲਈ ਸ਼ੋਤਾ ਯਾਮਾਦਾ ਨੇ ਪੈਨਲਟੀ ਸਟ੍ਰੋਕ ਰਾਹੀਂ ਇੱਕਮਾਤਰ ਗੋਲ ਕੀਤਾ। ਇਸ ਜਿੱਤ ਨਾਲ ਭਾਰਤ ਨੇ ਟੂਰਨਾਮੈਂਟ ਵਿੱਚ ਆਪਣਾ ਜਿੱਤ ਦਾ ਸਿਲਸਿਲਾ ਬਰਕਾਰ ਰੱਖਿਆ ਹੈ। ਉਸ ਨੇ ਹੁਣ ਤੱਕ ਤਿੰਨੇ ਮੈਚ ਜਿੱਤੇ ਹਨ।
ਅੱਜ ਆਰਾਮ ਦਾ ਦਿਨ ਹੈ। ਕੱਲ੍ਹ 1 ਨਵੰਬਰ ਨੂੰ ਭਾਰਤ ਦਾ ਮੁਕਾਬਲਾ ਮਲੇਸ਼ੀਆ ਨਾਲ ਹੋਵੇਗਾ, ਦੱਖਣੀ ਕੋਰੀਆ ਬੰਗਲਾਦੇਸ਼ ਨਾਲ ਖੇਡੇਗਾ ਅਤੇ ਚੀਨ ਜਾਪਾਨ ਖ਼ਿਲਾਫ਼ ਆਪਣਾ ਖਾਤਾ ਖੋਲ੍ਹਣ ਦੀ ਕੋਸ਼ਿਸ਼ ਕਰੇਗਾ।
India Beat Japan 4 1 In The Asian Champions Trophy
