ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਇਕ ਹੋਰ ਗਾਇਕਾ 'ਤੇ ਚੱਲੀਆਂ ਗੋਲੀਆਂ, ਇਸ ਤਰ੍ਹਾਂ ਹੋਇਆ ਬਚਾਅ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ: ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਇਕ ਹੋਰ ਗਾਇਕ 'ਤੇ ਫਾਇਰਿੰਗ ਹੋਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਜਾਗਰਣ ਦੇ ਪ੍ਰੋਗਰਾਮ ਤੋਂ ਵਾਪਸ ਆ ਰਹੀ ਗਾਇਕਾਂ 'ਤੇ ਗੋਲੀਆਂ ਵਰ੍ਹੀਆਂ ਗਈਆਂ ਹਨ। ਇਹ ਮਾਮਲਾ ਹਰਿਆਣਾ ਦੇ ਚਰਖੀ ਦਾਦਰੀ ਦਾ ਹੈ। ਚਰਖੀ ਦਾਦਰੀ ਜ਼ਿਲ੍ਹੇ 'ਚ ਹਰਿਆਣਵੀ ਗਾਇਕਾ ਰਾਕੇਸ਼ ਸ਼ਿਓਰਾਨ ਤੇ ਉਸ ਦੇ ਭਰਾ 'ਤੇ ਗੋਲੀਆਂ ਚਲਾਈਆਂ ਗਈਆਂ । ਇਸ ਹਮਲੇ ਵਿਚ ਰਾਕੇਸ਼ ਸ਼ਿਓਰਾਨ ਤੇ ਉਸ ਦਾ ਭਰਾ ਵਾਲ-ਵਾਲ ਬਚ ਗਏ। ਦਰਅਸਲ ਰਾਕੇਸ਼ ਸ਼ਿਓਰਾਨ ਚਰਖੀ ਦਾਦਰੀ ਵਿਚ ਜਾਗਰਣ ਦਾ ਪ੍ਰੋਗਰਾਮ ਕਰਕੇ ਹਟੀ ਸੀ। ਪ੍ਰੋਗਰਾਮ ਤੋਂ ਬਾਅਦ ਉਹ ਜਿਵੇਂ ਹੀ ਵਾਪਸ ਆਪਣੀ ਕਾਰ ਵਿਚ ਆ ਕੇ ਬੈਠੀ ਤਾਂ ਉਥੇ ਦੋ ਮੁੰਡੇ ਪਹੁੰਚ ਗਏ, ਜਿਨਾਂ ਨੇ ਰਾਕੇਸ਼ ਤੇ ਉਸ ਦੇ ਭਰਾ ਨੂੰ ਗਾਲ੍ਹਾਂ ਕੱਢੀਆਂ।ਨੌਜਵਾਨਾਂ ਨੇ ਪਿਸਤੌਲ ਤਾਣ ਕੇ ਰਾਕੇਸ਼ ਅਤੇ ਉਸ ਦੇ ਭਰਾ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ। ਝਗੜਾ ਇੰਨਾ ਵੱਧ ਗਿਆ ਕਿ ਮੁੰਡਿਆਂ ਨੇ ਰਾਕੇਸ਼ ਤੇ ਉਸ ਦੇ ਭਰਾ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਗ਼ਨੀਮਤ ਰਹੀ ਕਿ ਰਾਕੇਸ਼ ਇਸ ਹਮਲੇ ਵਿਚ ਵਾਲ ਵੱਲ ਬਚ ਗਈ। ਗੋਲੀਬਾਰੀ ਤੋਂ ਬਾਅਦ ਉਥੇ ਭਾਜੜ ਮੱਚ ਗਈ, ਜਿਸ ਕਰਕੇ ਦੋਵੇਂ ਮੁਲਜ਼ਮ ਉਥੋਂ ਫਰਾਰ ਹੋ ਗਏ।
ਮਹਿਲਾ ਕਲਾਕਾਰ ਨੇ ਇਸ ਦੀ ਸੂਚਣਾ 'ਤੇ ਤੁਰੰਤ ਸਦਰ ਥਾਣਾ ਨੂੰ ਦਿੱਤੀ। ਪੁਲਿਸ ਨੇ ਕਤਲ ਦੀ ਕੋਸ਼ਿਸ਼ ਤਹਿਤ ਕਈ ਧਰਾਵਾਂ ਦੇ ਅਧੀਨ ਮਾਮਲਾ ਦਰਜ ਕਰ ਲਿਆ ਹੈ। ਫਿਲਹਾਲ ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬ ਤੇ ਹਰਿਆਣਾ ਦੇ ਗਾਇਕ ਖੌਫ ਦੇ ਸਾਏ ਵਿਚ ਹਨ। ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਦਿਨ ਦਿਹਾੜੇ ਗੋਲੀਆਂ ਮਾਰ ਕੇ ਕੀਤੇ ਕਤਲ ਤੋਂ ਬਾਅਦ ਮਿਊਜ਼ਿਕ ਇੰਡਸਟ੍ਰੀ ਖੌਫ ਦੇ ਵਿਚ ਹੈ। ਫਿਲਹਾਲ ਇਹ ਗੋਲੀਬਾਰੀ ਗੈਂਗਸਟਰਾਂ ਨੇ ਕੀਤੀ ਹੈ ਜਾਨ ਫਿਰ ਮਾਮਲਾ ਕੁਝ ਹੋਰ ਹੈ ਪੁਲਿਸ ਇਸ ਦੀ ਜਾਂਚ ਕਰ ਰਹੀ ਹੈ ਪਰ ਇਸ ਘਟਨਾ ਨੇ ਇਕ ਵਾਰ ਫਿਰ ਗਾਇਕਾਂ ਦੀ ਸੁਰੱਖਿਆ 'ਤੇ ਸਵਾਲ ਚੁਕੇ ਜਾ ਰਹੇ ਹਨ।
During the T 20 cricket match there was a bomb blast in the stadium and people panicked
