ਫ਼ਰੀਦਕੋਟ ਦੀ ਮਾਡਰਨ ਜੇਲ੍ਹ 'ਚ ਤਲਾਸ਼ੀ ਦੌਰਾਨ ਮਿਲੇ 32 ਮੋਬਾਈਲ ਫ਼ੋਨ ਤੇ ਹੋਰ ਸਾਮਾਨ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ: ਫਰੀਦਕੋਟ ਦੀ ਮਾਡਰਨ ਜੇਲ੍ਹ 'ਚੋਂ ਲਾਗਾਤਰ ਮੋਬਾਈਲ ਫ਼ੋਨ ਅਤੇ ਨਸ਼ਾ ਬਰਾਮਦ ਹੋਣ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਵੱਡਾ ਸਵਾਲ ਸੀ ਕਿ ਜੇਲ੍ਹ ਅੰਦਰ ਬੰਦ ਕੈਦੀਆਂ ਕੋਲ ਮੋਬਾਈਲ ਫੋਨ ਜਾਂ ਨਸ਼ਾ ਕਿਸ ਤਰੀਕੇ ਅੰਦਰ ਪਹੁੰਚ ਰਿਹਾ ਹੈ ।ਹਾਲਾਂਕਿ ਜੇਲ੍ਹ ਪ੍ਰਸ਼ਾਸਨ ਲਾਗਾਤਰ ਸਖ਼ਤੀ ਵਰਤਣ ਦੇ ਦਾਅਵੇ ਕਰਦਾ ਆ ਰਿਹਾ ਹੈ ਪਰ ਇਸ ਦਾਅਵੇ ਨੂੰ ਖੁਦ ਜੇਲ੍ਹ ਦੇ ਅਧਿਕਾਰੀ ਨੇ ਹੀ ਖੋਖਲਾ ਸਾਬਿਤ ਕਰ ਦਿੱਤਾ , ਜਦੋ ਫਰੀਦਕੋਟ ਦੀ ਜੇਲ੍ਹ 'ਚ ਹੀ ਤਾਇਨਾਤ ਸਹਾਇਕ ਸੁਪਰਡੈਂਟ ਬਿੰਨੀ ਟਾਂਕ ਨੂੰ 80 ਗ੍ਰਾਮ ਹੈਰੋਈਨ ਅਤੇ ਮੋਬਾਈਲ ਕੈਦੀਆਂ ਨੂੰ ਸਪਲਾਈ ਕਰ ਵੇਲੇ ਰੰਗੇ ਹੱਥੀ ਕਾਬੂ ਕੀਤਾ ਗਿਆ ਸੀ ।
ਹਾਲੇ ਇਹ ਵਿਵਾਦ ਠੰਢਾ ਨਹੀਂ ਹੋਇਆ ਸੀ ਕਿ ਇਕ ਨਵਾਂ ਵਿਵਾਦ ਹੋਰ ਇਸ ਜੇਲ੍ਹ ਨਾਲ ਜੁੜ ਗਿਆ, ਜਦੋਂ ਜੇਲ੍ਹ ਅੰਦਰ ਵੱਖ ਵੱਖ ਬੈਰਕਾਂ ਦੀ ਤਲਾਸ਼ੀ ਦੌਰਾਨ 32 ਮੋਬਾਇਲ ਫੋਨ ਤੋਂ ਇਲਾਵਾ 3 ਚਾਰਜ਼ਰ,ਦੋ ਹੈਡਫੋਨ ਅਤੇ ਇਕ ਸਮਾਰਟ ਵਾਚ ਬਰਾਮਦ ਕਰਨ ਤੋਂ ਬਾਅਦ ਜੇਲ੍ਹ ਪ੍ਰਸ਼ਾਸਨ ਦੀ ਸ਼ਿਕਾਇਤ 'ਤੇ 7 ਕੈਦੀਆਂ ਅਤੇ 9 ਹਵਾਲਾਤੀਆ ਖਿਲਾਫ ਅਲੱਗ ਅਲੱਗ ਤਿੰਨ ਮਾਮਲੇ ਦਰਜ਼ ਕਰ ਲਏ ਗਏ ਹਨ ।
ਫਿਲਹਾਲ ਪੁਲਿਸ ਵੱਲੋਂ ਜਲਦ ਹੀ ਇਨ੍ਹਾਂ ਅਰੋਪਿਆ ਨੂੰ ਪ੍ਰੋਡਕਸ਼ਨ ਵਾਰੰਟ 'ਤੇ ਲੈ ਕੇ ਪੁੱਛਗਿੱਛ ਕਰਨ ਦੀ ਗੱਲ ਕਹਿ ਰਹੀ ਹੈ ਤਾਂ ਜੋ ਪਤਾ ਲਗਾਇਆ ਜਾ ਸਕੇ ਕਿ ਇੰਨੀ ਵੱਡੀ ਗਿਣਤੀ 'ਚ ਜੇਲ੍ਹ ਅੰਦਰ ਬੰਦ ਕੈਦੀਆਂ ਕੋਲ ਮੋਬਾਈਲ ਫ਼ੋਨ ਕਿਸ ਤਰੀਕੇ ਪੁੱਜ ਰਹੇ ਹਨ।
32 mobile phones and other items were found during the search in the modern jail of Faridkot
