ਚੰਡੀਗੜ੍ਹ ਪੁਲਿਸ ਦੀ ਵੱਡੀ ਕਾਰਵਾਈ , 21 ਸਾਈਬਰ ਕ੍ਰਿਮੀਨਲ ਫੜ ਕੇ ਜੇਲ੍ਹੀ ਡੱਕੇ, ਇਸ ਤਰ੍ਹਾਂ ਕਰਦੇ ਸਨ ਠੱਗੀਆਂ
LPTV / Chandigarh
ਲਾਈਵ ਪੰਜਾਬੀ ਟੀਵੀ ਬਿਊਰੋ, ਚੰਡੀਗੜ੍ਹ: ਚੰਡੀਗੜ੍ਹ ਪੁਲਿਸ ਨੇ ਇਕ ਅਜਿਹੇ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ, ਜੋ ਬੜੇ ਹੀ ਹਾਈ ਟੈੱਕ ਤਰੀਕੇ ਨਾਲ ਭੋਲੇਭਾਲੇ ਲੋਕਾਂ ਨੂੰ ਲਾਲਚ ਦੇ ਕੇ ਵੱਡੇ ਪੱਧਰ 'ਤੇ ਠੱਗੀਆਂ ਮਾਰ ਰਹੇ ਹਨ। ਇਹ ਲੋਕ ਦੇਸ਼ ਦੇ ਪੰਜ ਸੂਬਿਆਂ ‘ਚ ਸਸਤੇ ਅਤੇ ਘੱਟ ਵਿਆਜ ਦਰਾਂ ’ਤੇ ਕਰਜ਼ਾ ਦਿਵਾਉਣ ਦੇ ਬਹਾਨੇ ਲੋਕਾਂ ਨਾਲ ਠੱਗੀ ਮਾਰਨ ਵਾਲੇ ਗਿਰੋਹ ਦੇ ਸਗਰਨਾ ਸਮੇਤ 21 ਮੁਲਜ਼ਮਾਂ ਨੂੰ ਸਾਈਬਰ ਪੁਲੀਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਮੁਲਜ਼ਮ ਕਰਜ਼ੇ ਦੇ ਬਹਾਨੇ ਵਟਸਐਪ ਕਾਲ ਹੈਕ ਕਰਕੇ ਲੋਕਾਂ ਦੀਆਂ ਫੋਟੋਆਂ, ਸੰਪਰਕ ਨੰਬਰਾਂ ਸਮੇਤ ਨਿੱਜੀ ਜਾਣਕਾਰੀ ਚੋਰੀ ਕਰਕੇ ਬਲੈਕਮੇਲ ਕਰਦੇ ਸਨ। ਪੈਸੇ ਦੇਣ ਤੋਂ ਇਨਕਾਰ ਕਰਨ ਵਾਲਿਆਂ ਦੀਆਂ ਅਸ਼ਲੀਲ ਤਸਵੀਰਾਂ ਅਤੇ ਵੀਡੀਓ ਬਣਾ ਕੇ ਇੰਟਰਨੈੱਟ ਮੀਡੀਆ ‘ਤੇ ਪੋਸਟ ਕਰਨ ਦੀਆਂ ਧਮਕੀਆਂ ਦਿੰਦੇ ਸਨ।
ਇਹ ਸਾਮਾਨ ਹੋਇਆ ਬਰਾਮਦ
ਪੁਲੀਸ ਨੇ ਇਨ੍ਹਾਂ ਬਦਮਾਸ਼ਾਂ ਕੋਲੋਂ 17.31 ਲੱਖ ਦੀ ਨਕਦੀ, ਨੌਂ ਲੈਪਟਾਪ, 41 ਮੋਬਾਈਲ, ਇੱਕ ਕੰਪਿਊਟਰ ਸਮੇਤ ਸਾਗਨਾ ਚੀਨ ਦੇ ਨਾਗਰਿਕ ਵਾਨ ਚਾਂਗ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਚੀਨੀ ਵਿਅਕਤੀ ਦਾ ਮਿਆਦ ਪੁੱਗ ਚੁੱਕਾ ਪਾਸਪੋਰਟ ਵੀ ਜ਼ਬਤ ਕਰ ਲਿਆ ਗਿਆ ਹੈ। ਦਿੱਲੀ, ਨੋਇਡਾ, ਝਾਰਖੰਡ, ਬਿਹਾਰ ਅਤੇ ਰਾਜਸਥਾਨ ਵਿੱਚ ਇਸ ਗਰੋਹ ਦੇ ਕੁੱਲ 60 ਮੈਂਬਰ ਹਨ।
ਇਹ ਹੈ ਮਾਮਲਾ
ਮਾਮਲੇ ‘ਚ ਚੰਡੀਗੜ੍ਹ ਦੇ ਅਰਵਿੰਦ ਦੀ ਸ਼ਿਕਾਇਤ ‘ਤੇ ਟੀਮ ਬਣਾ ਕੇ ਕਾਰਵਾਈ ਕੀਤੀ ਗਈ ਹੈ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਸ ਦੇ ਮੋਬਾਈਲ ‘ਤੇ ਐਸਐਮਐਸ ਰਾਹੀਂ ਕਰਜ਼ਾ ਲੈਣ ਲਈ ਲਿੰਕ ਆਇਆ ਸੀ। ਲਿੰਕ ‘ਤੇ ਕਲਿੱਕ ਕਰਨ ਨਾਲ ਹਿਊਗੋ ਲੋਨ ਐਪਲੀਕੇਸ਼ਨ ਇੰਸਟਾਲ ਹੋ ਗਿਆ। ਉਸਨੇ ਹਿਊਗੋ ਐਪ ‘ਤੇ ਲੋਨ ਲਈ ਵੇਰਵੇ ਭਰੇ। ਐਪ ‘ਤੇ 3500 ਰੁਪਏ ਦਾ ਕਰਜ਼ਾ ਲੈਣ ਦੀ ਸੀਮਾ ਦਿਖਾਈ ਜਾ ਰਹੀ ਸੀ। ਉਸਨੇ ਐਪ ਨੂੰ ਅਨਇੰਸਟਾਲ ਕਰ ਦਿੱਤਾ ਅਤੇ ਐਪਲੀਕੇਸ਼ਨ ਨੂੰ ਬੰਦ ਕਰ ਦਿੱਤਾ। ਇਸ ਤੋਂ ਬਾਅਦ ਉਸ ਨੂੰ ਵਟਸਐਪ ਕਾਲਾਂ ਰਾਹੀਂ ਵੱਖ-ਵੱਖ ਨੰਬਰਾਂ ਤੋਂ ਧਮਕੀਆਂ ਮਿਲਣੀਆਂ ਸ਼ੁਰੂ ਹੋ ਗਈਆਂ। ਮੁਲਜ਼ਮ ਉਸ ਦੇ ਪਰਿਵਾਰ ਵਾਲਿਆਂ ਨੂੰ ਉਸ ਦੀਆਂ ਅਸ਼ਲੀਲ ਤਸਵੀਰਾਂ ਭੇਜ ਕੇ ਬਲੈਕਮੇਲ ਵੀ ਕਰਦਾ ਸੀ। ਇਸ ਤੋਂ ਡਰਦਿਆਂ ਉਸ ਨੇ 24 ਅਗਸਤ 2022 ਨੂੰ ਮੁਲਜ਼ਮਾਂ ਨੂੰ 2045 ਰੁਪਏ ਅਤੇ 30 ਅਗਸਤ ਨੂੰ 3500 ਰੁਪਏ ਭੇਜ ਦਿੱਤੇ। ਇਸ ਦੇ ਬਾਵਜੂਦ ਧਮਕੀਆਂ ਮਿਲਣ ਤੋਂ ਬਾਅਦ ਉਸ ਨੇ ਪੁਲਸ ਨੂੰ ਸ਼ਿਕਾਇਤ ਦਿੱਤੀ।
ਇਨ ਹਨ ਉਹ ਮੁਲਜ਼ਮ
ਪੁਲਿਸ ਵੱਲੋਂ ਇਸ ਮਾਮਲੇ ‘ਚ 21 ਜਾਣੇ ਗ੍ਰਿਫਤਾਰ ਕੀਤੇ ਗਏ ਹਨ, ਜਿਹਨਾਂ ਦੀ ਪਛਾਣ ਅਰਜੁਨ ਸੇਨ, ਲੇਖ ਰਾਜ ਵੈਰਵਾ ਵਾਸੀ ਅਲਵਰ, ਰਾਜਸਥਾਨ, ਅੰਸ਼ੁਲ ਕੁਮਾਰ ਵਾਸੀ ਨੋਇਡਾ, ਪਰਵੇਜ਼ ਆਲਮ ਉਰਫ਼ ਸੋਨੂੰ ਬਦਾਨਾ ਉਰਫ਼ ਜੀਤੂ ਬਦਾਨਾ ਵਾਸੀ ਰਾਂਚੀ, ਝਾਰਖੰਡ, ਚੀਨ ਦੇ ਵਾਨ ਚੇਂਗੂਆ, ਦਿੱਲੀ ਦੇ ਮਨੀਸ਼ ਰਾਏ, ਸੰਦੀਪ, ਗਿਆਨਦੀਪ, ਆਸ਼ੀਸ਼ ਕੁਮਾਰ ਤੰਵਰ ਵਾਸੀ ਹਰਿਆਣਾ ਦੇ ਤਿਵਾੜੀ, ਦੀਪਕ ਚੰਦ, ਪੱਛਮੀ ਦਿੱਲੀ ਦੇ ਸੌਰਭ ਝਾਅ, ਨਵੀਂ ਦਿੱਲੀ ਦੇ ਹੇਮੰਤ ਕੁਮਾਰ, ਦੱਖਣੀ ਪੱਛਮੀ ਦਿੱਲੀ ਦੇ ਮਨਵਿੰਦਰ ਰਾਘਵ, ਯੂਪੀ ਦੇ ਨੀਰਜ ਸਿੰਘ, ਬਿਹਾਰ ਦੇ ਓਮ ਪ੍ਰਕਾਸ਼ ਝਾਅ, ਗੋਂਡਾ ਯੂਪੀ ਦੇ ਮਨਜੀਤ ਕੁਮਾਰ, ਉੜੀਸਾ ਦੇ ਉੱਤਮ ਮਲਿਕ, ਆਸ਼ੀਸ਼ ਮਿਸ਼ਰਾ ਯੂਪੀ, ਬਿਹਾਰ ਕੇ ਵਿਕਾਸ ਮਹਿਤੋ, ਨੋਇਡਾ ਦੇ ਰਾਜੇਸ਼ ਕੁਮਾਰ, ਗਾਜ਼ੀਆਬਾਦ ਯੂਪੀ ਦੇ ਰਾਜੀਵ ਕੁਮਾਰ ਵੱਜੋਂ ਹੋਈ ਹੈ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਇਸ ਤਰ੍ਹਾਂ ਕਰਦੇ ਸਨ ਠੱਗੀਆਂ
ਪੁਲਿਸ ਮੁਤਾਬਕ ਚੀਨ ਦੇ ਸਰਵਰ ਤੋਂ ਚੀਨੀ ਲੋਕਾਂ ਵੱਲੋਂ ਤਤਕਾਲ ਲੋਨ ਦੀਆਂ ਅਰਜ਼ੀਆਂ ਚਲਾਈਆਂ ਜਾਂਦੀਆਂ ਹਨ। ਇਹ ਚੀਨੀ ਲੋਕ ਭਾਰਤ ਵਿੱਚ ਨੌਕਰੀਆਂ ਦੇ ਲੋੜਵੰਦ ਲੋਕਾਂ ਨੂੰ ਲੁਭਾਉਂਦੇ ਸਨ ਅਤੇ ਉਨ੍ਹਾਂ ਨੂੰ ਚੰਗੀ ਤਨਖਾਹ ‘ਤੇ ਕਾਲ ਸੈਂਟਰ ਦੀਆਂ ਨੌਕਰੀਆਂ ਦੇ ਰੂਪ ਵਿੱਚ ਭਰਤੀ ਕਰਦੇ ਸਨ। ਇੱਥੋਂ ਤੱਕ ਕਿ ਉਨ੍ਹਾਂ ਨੂੰ ਸਿਖਲਾਈ ਦੇਣ ਦਾ ਕੰਮ ਵੀ ਚੀਨੀ ਮੂਲ ਦੇ ਲੋਕ ਹੀ ਕਰਦੇ ਸਨ। ਉਨ੍ਹਾਂ ਨੂੰ ਲੋਕਾਂ ਨੂੰ ਧੋਖਾ ਦੇਣ, ਬਲੈਕਮੇਲ ਕਰਨ ਅਤੇ ਪੈਸੇ ਟ੍ਰਾਂਸਫਰ ਕਰਨ ਦੀ ਸਿਖਲਾਈ ਦਿੱਤੀ ਗਈ ਸੀ।
A major operation by Chandigarh Police caught 21 cybercriminals and put them in jail
