ਪੇਰੂ 'ਚ ਸੋਨੇ ਦੀ ਖਾਨ 'ਚ ਲੱਗੀ ਅੱ+ਗ, 27 ਮਜ਼ਦੂਰਂ ਦੀ ਮੌ+ਤ
LPTV / Chandigarh
ਪੇਰੂ: ਦੱਖਣੀ ਪੇਰੂ ਵਿੱਚ ਸੋਨੇ ਦੀ ਖਾਨ ਵਿਚ ਭਿਆਨਕ ਅੱਗ ਲੱਗ ਗਈ। ਇਸ ਅੱਗ 'ਚ ਘੱਟੋ-ਘੱਟ 27 ਮਜ਼ਦੂਰਾਂ ਦੇ ਮਾਰੇ ਜਾਣ ਦੀ ਖਬਰ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਲਾ ਐਸਪੇਰੇਂਜ਼ਾ-1 ਖਾਨ ਦੇ ਅੰਦਰ ਇੱਕ ਸੁਰੰਗ ਵਿੱਚ ਸ਼ਾਰਟ ਸਰਕਟ ਕਾਰਨ ਅੱਗ ਲੱਗੀ। ਦੱਖਣੀ ਪੇਰੂ ਦੇ ਇੱਕ ਦੂਰ-ਦੁਰਾਡੇ ਇਲਾਕੇ ਵਿੱਚ ਸਥਿਤ ਇਸ ਸੋਨੇ ਦੀ ਖਾਣ ਵਿੱਚ ਲੱਗੀ ਅੱਗ ਨੂੰ ਦੇਸ਼ ਵਿੱਚ ਸਭ ਤੋਂ ਭਿਆਨਕ ਮਾਈਨਿੰਗ ਤ੍ਰਾਸਦੀ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਪੁਲਿਸ ਅਤੇ ਸਰਕਾਰੀ ਵਕੀਲ ਦੇ ਦਫ਼ਤਰ ਨੇ ਬਾਅਦ ਵਿੱਚ ਪੁਸ਼ਟੀ ਕੀਤੀ ਕਿ ਅੱਗ ਲੱਗਣ ਦਾ ਕਾਰਨ ਸ਼ਾਰਟ ਸਰਕਟ ਸੀ। ਸਰਕਾਰੀ ਵਕੀਲ ਜਿਓਵਨੀ ਮਾਟੋਸ ਨੇ ਚੈਨਲ ਐਨ-ਟੈਲੀਵਿਜ਼ਨ ਨੂੰ ਦੱਸਿਆ ਕਿ "ਖਾਨ ਦੇ ਅੰਦਰ 27 ਲੋਕ ਮਰੇ ਹੋਏ ਸਨ", ਏਐਫਪੀ ਦੀ ਰਿਪੋਰਟ ਹੈ। ਹਾਲਾਂਕਿ, ਸਥਾਨਕ ਮੀਡੀਆ ਨੇ ਸ਼ੁਰੂਆਤ ਵਿੱਚ ਦੱਸਿਆ ਕਿ ਖਾਨ ਵਿੱਚ ਅੱਗ ਇੱਕ ਧਮਾਕੇ ਤੋਂ ਬਾਅਦ ਸ਼ੁਰੂ ਹੋਈ। ਹਾਲਾਂਕਿ ਧਮਾਕੇ ਨਾਲ ਖਾਨ 'ਚ ਲੱਕੜ ਦੇ ਸਹਾਰਿਆਂ ਨੂੰ ਅੱਗ ਲੱਗ ਗਈ। ਰਿਪੋਰਟਾਂ ਮੁਤਾਬਕ ਮਜ਼ਦੂਰ ਜ਼ਮੀਨ ਤੋਂ 100 ਮੀਟਰ ਹੇਠਾਂ ਸਨ।
ਅੱਗ ਲੱਗਣ ਦਾ ਪਤਾ ਲੱਗਦਿਆਂ ਹੀ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ ਗਿਆ। ਸਥਾਨਕ ਮੀਡੀਆ ਨੇ ਦੱਸਿਆ ਕਿ ਬਚਾਅ ਕਰਮਚਾਰੀ ਲਾਸ਼ਾਂ ਨੂੰ ਹਟਾਉਣ ਤੋਂ ਪਹਿਲਾਂ ਖਾਨ ਨੂੰ ਸੁਰੱਖਿਅਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ। ਯਾਨਾਕਿਹੁਆ ਦੇ ਮੇਅਰ ਜੇਮਜ਼ ਕਾਸਕਿਨੋ ਨੇ ਐਂਡੀਨਾ ਨਿਊਜ਼ ਏਜੰਸੀ ਨੂੰ ਦੱਸਿਆ ਕਿ ਜ਼ਿਆਦਾਤਰ ਕਾਮਿਆਂ ਦੀ ਮੌਤ ਦਮ ਘੁੱਟਣ ਅਤੇ ਸੜਨ ਨਾਲ ਹੋਈ ਹੋਵੇਗੀ। ਫਿਲਹਾਲ ਕਿਸੇ ਦੇ ਬਚੇ ਹੋਣ ਦੀ ਕੋਈ ਸੂਚਨਾ ਨਹੀਂ ਹੈ। ਇਸ ਦੇ ਨਾਲ ਹੀ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕਿ ਅੱਗ ਲੱਗਣ ਸਮੇਂ ਖਾਣ ਵਿੱਚ ਕਿੰਨੇ ਲੋਕ ਮੌਜੂਦ ਸਨ।
A fire in a gold mine in Peru killed 27 workers
