ਮੋਟੀਵੇਸ਼ਨਲ ਸਪੀਕਰ ਵਿਵੇਕ ਬਿੰਦਰਾ ਦੀਆਂ ਮੁਸ਼ਕਲਾਂ ਵਧੀਆਂ- ਪਤਨੀ ਦੀ ਕੁੱਟਮਾਰ, ਕੰਨ ਦਾ ਪਰਦਾ ਫਟਿਆ; ਨੋਇਡਾ 'ਚ ਐੱਫਆਈਆਰ
LPTV / Chandigarh
ਨੈਸ਼ਨਲ ਡੈਸਕ : ਮਸ਼ਹੂਰ ਮੋਟੀਵੇਸ਼ਨਲ ਸਪੀਕਰ ਵਿਵੇਕ ਬਿੰਦਰਾ 'ਤੇ ਉਨ੍ਹਾਂ ਦੀ ਪਤਨੀ ਨੇ ਕੁੱਟ-ਮਾਰ ਦਾ ਦੋਸ਼ ਲਗਾਇਆ ਹੈ। 6 ਦਸੰਬਰ 2023 ਨੂੰ ਪਤਨੀ ਯਾਨਿਕਾ ਨਾਲ ਵਿਆਹ ਹੋਇਆ। 14 ਦਸੰਬਰ ਨੂੰ ਯਾਨਿਕਾ ਨੇ ਦੋਸ਼ ਲਾਇਆ ਕਿ ਉਸ ਦਾ ਪਤੀ ਉਸ ਨੂੰ ਬੁਰੀ ਤਰ੍ਹਾਂ ਕੁੱਟਦਾ ਹੈ। ਪੁਲਸ ਨੇ ਸ਼ਿਕਾਇਤ ਮਿਲਣ 'ਤੇ ਇਸ ਮਾਮਲੇ 'ਚ ਐਫ ਆਈ ਆਰ ਦਰਜ ਕਰ ਲਈ ਹੈ।
ਪੀੜਤਾ ਨੇ ਨੋਇਡਾ ਦੇ ਸੈਕਟਰ-126 ਵਿੱਚ ਐਫਆਈਆਰ ਦਰਜ ਕਰਵਾਈ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੁੱਟ-ਮਾਰ ਤੋਂ ਬਾਅਦ ਔਰਤ ਦਾ ਕੁਝ ਦਿਨਾਂ ਤੱਕ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਸੀ। 14 ਦਸੰਬਰ ਨੂੰ ਔਰਤ ਨੇ ਬਿੰਦਰਾ ਖਿਲਾਫ ਮਾਮਲਾ ਦਰਜ ਕਰਵਾਇਆ ਸੀ ਪਰ ਹੁਣ ਇਹ ਗੱਲ ਸਾਹਮਣੇ ਆਈ ਹੈ।
ਗਾਜ਼ੀਆਬਾਦ ਦੇ ਰਹਿਣ ਵਾਲੇ ਵੈਭਵ ਕਵਾਤਰਾ ਨੇ ਦੱਸਿਆ ਕਿ 6 ਦਸੰਬਰ ਨੂੰ ਉਸ ਦੀ ਭੈਣ ਯਾਨਿਕਾ ਦਾ ਵਿਆਹ ਵਿਵੇਕ ਬਿੰਦਰਾ ਨਾਲ ਹੋਇਆ ਸੀ। ਬਿੰਦਰਾ ਫਿਲਹਾਲ ਸੈਕਟਰ-94 'ਚ ਰਹਿ ਰਿਹਾ ਹੈ। ਵਿਆਹ ਦੇ ਦੋ ਦਿਨ ਬਾਅਦ ਹੀ ਵਿਵੇਕ ਆਪਣੀ ਮਾਂ ਪ੍ਰਭਾ ਨਾਲ ਲੜ ਰਿਹਾ ਸੀ। ਇਸ ਦੌਰਾਨ ਜਦੋਂ ਪਤਨੀ ਯਾਨਿਕਾ ਨੇ ਦਖਲ ਦੇਣ ਦੀ ਕੋਸ਼ਿਸ਼ ਕੀਤੀ ਤਾਂ ਵਿਵੇਕ ਨੇ ਉਸ ਨੂੰ ਕਮਰੇ ਵਿੱਚ ਬੰਦ ਕਰ ਦਿੱਤਾ।
ਇਸ ਦੌਰਾਨ ਉਸ ਨੇ ਉਸ ਨੂੰ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਉਸ ਦੀ ਬੁਰੀ ਤਰ੍ਹਾਂ ਨਾਲ ਕੁੱਟ-ਮਾਰ ਕੀਤੀ। ਬਿੰਦਰਾ ਨੇ ਉਸ ਨੂੰ ਇੰਨੇ ਥੱਪੜ ਮਾਰੇ ਕਿ ਯਾਨਿਕਾ ਦੇ ਕੰਨ ਦਾ ਪਰਦਾ ਫਟ ਗਿਆ। ਦੋਸ਼ ਹੈ ਕਿ ਬਿੰਦਰਾ ਨੇ ਆਪਣੀ ਪਤਨੀ ਦੇ ਵਾਲ ਵੀ ਪੁੱਟੇ, ਜਿਸ ਕਾਰਨ ਉਸ ਦੇ ਸਿਰ 'ਤੇ ਵੀ ਸੱਟਾਂ ਲੱਗੀਆਂ।
ਵੈਭਵ ਨੇ ਪੁਲਿਸ ਨੂੰ ਦੱਸਿਆ ਹੈ ਕਿ ਵਿਵੇਕ ਨੇ ਉਸ ਦੀ ਭੈਣ ਨੂੰ ਇੰਨਾ ਕੁੱਟਿਆ ਕਿ ਉਸ ਦੀ ਸੁਣਨ ਸ਼ਕਤੀ ਖਤਮ ਹੋ ਗਈ। ਇੰਨਾ ਹੀ ਨਹੀਂ ਵਿਵੇਕ ਨੇ ਉਸ ਦੀ ਭੈਣ ਦੇ ਵਾਲ ਵੀ ਖਿੱਚੇ, ਜਿਸ ਕਾਰਨ ਉਸ ਦੇ ਸਿਰ 'ਤੇ ਵੀ ਸੱਟ ਲੱਗ ਗਈ। ਉਸ ਨੂੰ ਇਲਾਜ ਲਈ ਕੜਕੜਡੂਮਾ ਦੇ ਕੈਲਾਸ਼ ਦੀਪ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਵੈਭਵ ਦਾ ਦੋਸ਼ ਹੈ ਕਿ ਇਸ ਲੜਾਈ ਦੌਰਾਨ ਵਿਵੇਕ ਨੇ ਉਸ ਦੀ ਭੈਣ ਦਾ ਮੋਬਾਈਲ ਵੀ ਤੋੜ ਦਿੱਤਾ।
Motivational speaker Vivek Bindras problems escalated wife beating ruptured eardrum FIR in Noida
