ਬੈਂਕ ਆਫ ਕੈਨੇਡਾ ਜੁਲਾਈ 'ਚ ਮੁੜ ਵਧਾ ਸਕਦਾ ਹੈ ਆਪਣੀਆਂ ਵਿਆਜ ਦਰਾਂ, ਜਾਣੋ ਕਾਰਨ
LPTV / Chandigarh
ਵਿਦੇਸ਼ ਡੈਸਕ: ਅਰਥਸ਼ਾਸਤਰੀਆਂ ਦਾ ਮੰਨਣਾ ਹੈ ਕਿ ਅਗਲੇ ਹਫਤੇ ਕੈਨੇਡੀਅਨਜ਼ ਨੂੰ ਇਕ ਵਾਰੀ ਫਿਰ ਵਿਆਜ ਦਰਾਂ ਵਿੱਚ ਕੀਤੇ ਜਾਣ ਵਾਲੇ ਵਾਧੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਕਈ ਹੋਮਓਨਰਜ਼ ਪਹਿਲਾਂ ਹੀ ਵਿੱਤੀ ਤੌਰ 'ਤੇ ਖੁਦ ਨੂੰ ਕਮਜ਼ੋਰ ਮਹਿਸੂਸ ਕਰ ਰਹੇ ਹਨ ਤੇ ਅਜਿਹਾ ਹੋਣ ਨਾਲ ਮਾਰਗੇਜ ਦੀ ਅਦਾਇਗੀ ਤੱਕ ਉਨ੍ਹਾਂ ਲਈ ਮੁਸ਼ਕਲ ਹੋ ਜਾਵੇਗੀ।
ਰੌਇਲ ਬੈਂਕ ਆਫ ਕੈਨੇਡਾ ਦੇ ਅਸਿਸਟੈਂਟ ਚੀਫ ਇਕਨੌਮਿਸਟ ਰੌਬਰਟ ਹੋਗ ਨੇ ਆਖਿਆ ਕਿ 12 ਜੁਲਾਈ ਨੂੰ ਬੈਂਕ ਆਫ ਕੈਨੇਡਾ ਵੱਲੋਂ 25 ਬੇਸਿਸ ਅੰਕਾਂ ਦੇ ਵਾਧੇ ਦਾ ਐਲਾਨ ਕੀਤਾ ਜਾ ਸਕਦਾ ਹੈ। ਮਾਂਟਰੀਅਲ ਵਿੱਚ ਕੌਨਕੌਰਡੀਆ ਯੂਨੀਵਰਸਿਟੀ ਵਿੱਚ ਇਕਨੌਮਿਕਸ ਦੇ ਸੀਨੀਅਰ ਲੈਕਚਰਰ ਮੋਸ਼ੇ ਲੈਂਡਰ ਨੇ ਆਖਿਆ ਕਿ ਇਸ ਤਰ੍ਹਾਂ ਦਾ ਇੱਕ ਹੋਰ ਵਾਧਾ ਕਿਸੇ ਵੀ ਤਰ੍ਹਾਂ ਦੀ ਖਰੀਦਦਾਰੀ ਕਰਨ ਵਾਲਿਆਂ ਲਈ ਸਹੀ ਨਹੀਂ ਹੈ। ਉਨ੍ਹਾਂ ਮਿਸਾਲ ਦਿੰਦਿਆਂ ਆਖਿਆ ਕਿ ਹਾਊਸਿੰਗ ਮਾਰਕਿਟ ਤੋਂ ਲੈ ਕੇ ਸਟੂਡੈਂਟ ਲੋਨ ਤੱਕ ਵਰਗੇ ਕਿਸੇ ਵੀ ਨਿਜੀ ਕਰਜ਼ੇ ਲਈ ਇਹ ਸਮਾਂ ਠੀਕ ਨਹੀਂ। ਗੌਰਤਲਬ ਹੈ ਕਿ ਇੱਕ ਸਾਲ ਤੋਂ ਵੀ ਘੱਟ ਸਮੇਂ ਵਿੱਚ ਬੈਂਕ ਵੱਲੋਂ ਅੱਠ ਵਾਰੀ ਆਪਣੀਆਂ ਵਿਆਜ ਦਰਾਂ ਵਿੱਚ ਵਾਧਾ ਕੀਤਾ ਜਾ ਚੁੱਕਿਆ ਹੈ। 2023 ਵਿੱਚ ਇਹ ਤੀਜਾ ਵਾਧਾ ਹੋਵੇਗਾ।
The Bank of Canada may raise its interest rates again in July Know the reasons
