Happy New Year 2025- 1 ਜਨਵਰੀ ਨੂੰ ਹੀ ਕਿਉਂ ਮਨਾਉਂਦੇ ਹਾਂ ਨਵਾਂ ਸਾਲ?
Admin / Article
ਜਾਣੋ ਇਸ ਦਾ ਇਤਿਹਾਸ, ਸ਼ੁਰੂਆਤ ਕਿੱਥੋਂ ਹੋਈ ਤੇ ਕਿਵੇਂ ਖਾਸ ਬਣ ਗਿਆ ਇਹ ਦਿਨ
ਕੋਈ ਵੀ ਕੈਲੰਡਰ ਸੂਰਜ ਚੱਕਰ ਜਾਂ ਚੰਦਰ ਚੱਕਰ ਦੀ ਗਣਨਾ ਦੇ ਆਧਾਰ 'ਤੇ ਬਣਾਇਆ ਜਾਂਦਾ ਹੈ
News Year 2025 : ਜਿਵੇਂ ਹੀ 31 ਦਸੰਬਰ 2024 ਨੂੰ ਦਿਨ ਖ਼ਤਮ ਹੋਇਆ ਤਾਂ ਰਾਤ 12 ਵਜੇ ਦੁਨੀਆ ਨੇ ਸਾਲ 2025 ਦਾ ਸਵਾਗਤ ਕੀਤਾ। ਇਸ ਦਿਨ 1 ਜਨਵਰੀ ਨੂੰ ਪੁਰਾਣੇ ਸਾਲ ਨੂੰ ਅਲਵਿਦਾ ਕਹਿ ਕੇ ਨਵਾਂ ਸਾਲ ਮਨਾਇਆ ਜਾਂਦਾ ਹੈ ਪਰ ਨਵਾਂ ਸਾਲ ਪਹਿਲੀ ਜਨਵਰੀ ਤੋਂ ਕਿਉਂ ਸ਼ੁਰੂ ਹੁੰਦਾ ਹੈ? ਕੀ ਤੁਸੀਂ ਕਦੇ ਸੋਚਿਆ ਹੈ। ਆਓ ਜਾਣਦੇ ਹਾਂ 1 ਜਨਵਰੀ ਨੂੰ ਨਵਾਂ ਸਾਲ ਮਨਾਉਣ ਦਾ ਇਤਿਹਾਸ, ਇਸ ਦੀ ਸ਼ੁਰੂਆਤ ਕਿੱਥੋਂ ਹੋਈ ਅਤੇ ਇਹ ਦਿਨ ਕਿਵੇਂ ਖਾਸ ਬਣ ਗਿਆ।
ਕੈਲੰਡਰ 45 ਈਸਾ ਪੂਰਵ ਤੋਂ ਪਹਿਲਾਂ ਰੋਮਨ ਸਾਮਰਾਜ ਵਿਚ ਵਰਤੋਂ ਵਿਚ ਸੀ। ਰੋਮ ਦੇ ਉਸ ਸਮੇਂ ਦੇ ਰਾਜੇ ਨੁਮਾ ਪੋਮਪਿਲਸ ਦੇ ਸਮੇਂ, ਰੋਮਨ ਕੈਲੰਡਰ ਵਿਚ 10 ਮਹੀਨੇ, ਇਕ ਸਾਲ ਵਿਚ 310 ਦਿਨ ਅਤੇ ਹਫ਼ਤੇ ਵਿਚ 8 ਦਿਨ ਸਨ। ਕੁਝ ਸਮੇਂ ਬਾਅਦ, ਨੁਮਾ ਨੇ ਕੈਲੰਡਰ ਵਿਚ ਤਬਦੀਲੀਆਂ ਕੀਤੀਆਂ ਤੇ ਜਨਵਰੀ ਨੂੰ ਕੈਲੰਡਰ ਦਾ ਪਹਿਲਾ ਮਹੀਨਾ ਮੰਨਿਆ। 1 ਜਨਵਰੀ ਨੂੰ ਨਵਾਂ ਸਾਲ ਮਨਾਉਣ ਦਾ ਰੁਝਾਨ 1582 ਈ: ਵਿਚ ਗ੍ਰੈਗੋਰੀਅਨ ਕੈਲੰਡਰ ਦੀ ਸ਼ੁਰੂਆਤ ਤੋਂ ਬਾਅਦ ਸ਼ੁਰੂ ਹੋਇਆ।
1582 ਤੋਂ ਪਹਿਲਾਂ ਬਸੰਤ ਰੁੱਤ ਵਿਚ ਨਵਾਂ ਸਾਲ ਮਾਰਚ ਤੋਂ ਸ਼ੁਰੂ ਹੁੰਦਾ ਸੀ ਪਰ ਨੁਮਾ ਦੇ ਫੈਸਲੇ ਤੋਂ ਬਾਅਦ ਜਨਵਰੀ ਤੋਂ ਸਾਲ ਸ਼ੁਰੂ ਹੋ ਗਿਆ। ਦਰਅਸਲ, ਮਾਰਚ ਮਹੀਨੇ ਦਾ ਨਾਮ ਰੋਮਨ ਦੇਵਤਾ ਮਾਰਸ ਦੇ ਨਾਮ 'ਤੇ ਰੱਖਿਆ ਗਿਆ ਸੀ, ਜੋ ਯੁੱਧ ਦਾ ਦੇਵਤਾ ਸੀ। ਜਦੋਂ ਕਿ ਜਨਵਰੀ ਨੂੰ ਰੋਮਨ ਦੇਵਤਾ ਜੈਨਸ ਦੇ ਨਾਮ ਤੋਂ ਲਿਆ ਗਿਆ ਹੈ, ਜਿਸ ਦੇ ਦੋ ਮੂੰਹ ਸਨ, ਸਾਹਮਣੇ ਵਾਲੇ ਮੂੰਹ ਨੂੰ ਸ਼ੁਰੂਆਤ ਮੰਨਿਆ ਜਾਂਦਾ ਸੀ ਅਤੇ ਪਿਛਲੇ ਮੂੰਹ ਨੂੰ ਅੰਤ ਮੰਨਿਆ ਜਾਂਦਾ ਸੀ। ਨੁਮਾ ਨੇ ਸਾਲ ਦੀ ਸ਼ੁਰੂਆਤ ਲਈ, ਸ਼ੁਰੂਆਤ ਦੇ ਦੇਵਤੇ ਜੈਨਸ ਨੂੰ ਚੁਣਿਆ ਅਤੇ ਇਸ ਤਰ੍ਹਾਂ ਜਨਵਰੀ ਸਾਲ ਦਾ ਪਹਿਲਾ ਮਹੀਨਾ ਬਣ ਗਿਆ।
ਈਸਾ ਮਸੀਹ ਦੇ ਜਨਮ ਤੋਂ 46 ਸਾਲ ਪਹਿਲਾਂ ਰੋਮਨ ਰਾਜੇ ਜੂਲੀਅਸ ਸੀਜ਼ਰ ਨੇ ਨਵੀਆਂ ਗਣਨਾਵਾਂ ਦੇ ਆਧਾਰ 'ਤੇ ਨਵਾਂ ਕੈਲੰਡਰ ਬਣਾਇਆ ਸੀ। ਇਸ ਦਾ ਨਾਂ ਗਸੀਜਰ ਹੈ ਜੋ 1 ਜਨਵਰੀ ਤੋਂ ਨਵੇਂ ਸਾਲ ਦੀ ਸ਼ੁਰੂਆਤ ਦਾ ਐਲਾਨ ਕਰਦਾ ਹੈ। ਧਰਤੀ ਸੂਰਜ ਦੁਆਲੇ 365 ਦਿਨ ਅਤੇ 6 ਘੰਟੇ ਘੁੰਮਦੀ ਹੈ। ਅਜਿਹੇ 'ਚ ਜਦੋਂ ਜਨਵਰੀ ਅਤੇ ਫਰਵਰੀ ਮਹੀਨੇ ਨੂੰ ਜੋੜਿਆ ਗਿਆ ਤਾਂ ਇਹ ਸੂਰਜ ਦੀ ਗਣਨਾ ਨਾਲ ਮੇਲ ਨਹੀਂ ਖਾਂਦਾ, ਜਿਸ ਤੋਂ ਬਾਅਦ ਖਗੋਲ ਵਿਗਿਆਨੀਆਂ ਨੇ ਇਸ ਦਾ ਡੂੰਘਾਈ ਨਾਲ ਅਧਿਐਨ ਕੀਤਾ।
ਕੋਈ ਵੀ ਕੈਲੰਡਰ ਸੂਰਜ ਚੱਕਰ ਜਾਂ ਚੰਦਰ ਚੱਕਰ ਦੀ ਗਣਨਾ ਦੇ ਆਧਾਰ 'ਤੇ ਬਣਾਇਆ ਜਾਂਦਾ ਹੈ। ਚੰਦਰ ਚੱਕਰ 'ਤੇ ਆਧਾਰਿਤ ਕੈਲੰਡਰ ਵਿਚ 354 ਦਿਨ ਹੁੰਦੇ ਹਨ। ਇਸ ਦੇ ਨਾਲ ਹੀ ਸੂਰਜ ਚੱਕਰ 'ਤੇ ਬਣੇ ਕੈਲੰਡਰ 'ਚ 365 ਦਿਨ ਹੁੰਦੇ ਹਨ। ਗ੍ਰੈਗੋਰੀਅਨ ਕੈਲੰਡਰ ਸੂਰਜ ਦੇ ਚੱਕਰ 'ਤੇ ਅਧਾਰਤ ਹੈ। ਜ਼ਿਆਦਾਤਰ ਦੇਸ਼ਾਂ ਵਿਚ, ਸਿਰਫ਼ ਗ੍ਰੇਗੋਰੀਅਨ ਕੈਲੰਡਰ ਦੀ ਵਰਤੋਂ ਕੀਤੀ ਜਾਂਦੀ ਹੈ।
Happy new year 2025 why do we celebrate new year on january 1 know its history where it started and how this day became special
